Gurmeet Choudhary's Video: गुरमीत चौधरी बनला रिअल लाईफ हिरो, बेशुद्ध पडलेल्या व्यक्तीला CPR देऊन मृत्यूच्या दाढेतून काढलं बाहेर

Gurmeet Choudhary Save Life Of Person:

बॉलिवूड (Bollywood) आणि टीव्ही अभिनेता गुरमीत चौधरी (Actor Gurmeet Choudhary) सध्या चर्चेत आला आहे. गुरमीत चौधरीचा एक व्हिडीओ (Gurmeet Choudhary Video) सोशल मीडियावर तुफान व्हायरल होत आहे. या व्हिडीओमध्ये गुरमीत रस्त्यावर बेशुद्धावस्थेत पडलेल्या एका व्यक्तीला सीपीआर देताना दिसत आहे. गुरमीतमुळे या व्यक्तीचे प्राण वाचले आहे. गुरमीतचा हा व्हिडीओ सोशल मीडियावर तुफान व्हायरल होत आहे. त्याच्या या सामाजिक कार्याचे सर्वस्तरावरून खूप कौतुक होत आहे.

गुरमीत चौधरी अंधेरीतील रस्त्यावरून प्रवास करत होता. त्यावेळी त्याला रस्त्याच्या कडेला एक व्यक्ती बेशुद्धावस्थेत दिसला. या व्यक्तीला पाहून गुरमीत तातडीने आपली कार रस्त्याच्या कडेला उभं करतो आणि त्याच्या मदतीसाठी धावून जातो. गुरमीत या व्यक्तीला सीपीआर देतो. त्यानंतर तो रस्त्यावरून जाणाऱ्या येणाऱ्या लोकांना देखील मदतीसाठी बोलावून घेतो. त्यानंतर घटनास्थळी लोकांची मोठी गर्दी होते. गुरमीतने या व्यक्तीला मृत्यूच्या दाढेतून बाहेर काढले. काही वेळातच या व्यक्तीला शुद्ध येते.

गुरमीत चौधरीचा हा व्हिडिओ सोशल मीडियावर चांगलाच व्हायरल होत आहे. हा व्हिडिओ पाहिल्यानंतर चाहतेही अभिनेत्याचे खूप कौतुक करत आहेत. हा व्हिडीओ पाहून त्याला रिआल लाईफ हिरो म्हटले जात आहे. गुरमीतच्या या व्हिडीओवर कमेंट करताना एका यूजरने लिहिले की, 'खूप भारी गुरमीत भाई', तर दुसऱ्या यूजरने कमेंट करताना लिहिले की - 'प्रत्येक अभिनेता आधी माणूस असला पाहिजे आणि नंतर अभिनेता.'

दरम्यान, गुरमीत चौधरीने 'रामायण'मालिकेमध्ये श्रीरामाची भूमिका साकारली होती. आपल्या दरमदार अभिनयाच्या जोरावर त्याने अल्पावधितच प्रसिद्धी मिळाली. यानंतर गुरमीतने 'गीत हुई सबसे पराई'मध्ये मानसिंग खुरानाची भूमिका साकारली होती. त्याने कृतिका सेंगरसोबत 'पुन्नर विवाह'मध्येही काम केले होते. त्याने 'झलक दिखला जा 5', 'नच बलिए 6' आणि 'खतरों के खिलाडी 5' यासारख्या रिअॅलिटी शोमध्ये भाग घेतला होता.