Zareen Khan Hospitalized: अभिनेत्री जरीन खान रुग्णालयात दाखल

Bollywood News: बॉलिवूड (Bollywood) अभिनेत्री जरीन खानची (Actress Zareen Khan) तब्येत अचानक बिघडली. जरीनला डेंग्यूची (Dengue) लागण झाली असून तिला तापासोबतच अंगदुखीचा त्रास होत आहे. त्यामुळे तिला उपचारासाठी रुग्णालयामध्ये दाखल करण्यात आले आहे.

जरीनने स्वत: सोशल मीडियावर (Social Media) पोस्ट करत चाहत्यांना ही माहिती दिली आहे. जरीन आजारी असल्याचे कळताच तिचे चाहते चिंतेत आले असून ती लवकर बरी व्हावी यासाठी प्रार्थना करत आहेत.

जरीन खानने तिच्या अनधिकृत इन्स्टाग्रामवर एक स्टोरी पोस्ट केली होती. ज्यामध्ये तिच्या हातात ड्रिप लावलेले दिसत होते. थोड्याच वेळात तिने ही पोस्ट काढून टाकली. त्यानंतर तिने ज्यूसचा ग्लास असलेला आणखी एक फोटो इन्स्टाग्रामवर पोस्ट केला. या फोटोला तिने 'रिकव्हरी मोड'असे कॅप्शन दिले आहे.

जरीन खानने आपल्या पोस्टच्या माध्यमातून चाहत्यांना आवाहन केले आहे. तिने आपल्या चाहत्यांना डेंग्यूपासून बचाव करण्यासाठी खबरदारी घेण्याचे आवाहन केले आहे. तसेच स्वच्छ आणि डासमुक्त वातावरण राखण्यासाठी कीटकनाशकांचा वापर करा असा सल्ला तिने दिला आहे.

जरीन खान बॉलिवूडची प्रसिद्ध अभिनेत्री आहे. तिने अनेक चित्रपटांमध्ये मुख्य भूमिका साकारल्या आहेत. 'हेट स्टोरी 3', 'वीर', 'वजा तुम हो' यासारख्या अनेक चित्रपटांमध्ये तिने काम केले आहे. बॉलिवूडसह तिने पंजाबी, तमिळ आणि तेलुगू चित्रपटांमध्येही काम केले आहे. अभिनेत्रीला कतरिना कैफची कॉपी म्हटले जाते. कदाचित यामुळेच या अभिनेत्रीला हिंदी चित्रपटसृष्टीत खूप लवकर आणि चांगली प्रसिद्धी मिळाली.