Priyanka Chopra ने निक जोनाससोबत देसी स्टाइलमध्ये साजरी केली होळी, डान्सचा VIDEO व्हायरल

Priyanka Chopra And Nick Jonas Dance Video:

बॉलिवूड (Bollywood) अभिनेत्री प्रियंका चोप्रा (Priyanka Chopra) सध्या आपल्या कुटुंबीयांसोबत भारतामध्ये आली आहे. प्रियंकाने आपल्या संपूर्ण कुटुंबासोबत धुमधडाक्यामध्ये होळी साजरी केली. प्रियंकाने पतीन निक जोनास आणि मुलगी मालतीसोबत यावेळी देसी स्टाइलमध्ये होळी सेलिब्रेट करत खूप धम्माल केली. प्रियंकाचे होली सेलिब्रेशनचे फोटो सध्या सोशल मीडियावर व्हायरल होत आहेत. स्वत: प्रियंकाने आपल्या अधिकृत इन्स्टाग्राम अकाऊंटवर होळी सेलिब्रेशनचे फोटो आणि व्हिडीओ शेअर केले आहेत. प्रियंकाने यावेळी निक जोनाससोबत जबरदस्त डान्स केला.

प्रियंका चोप्रा आणि निक जोनास आणि त्यांची मुलगी मालती मेरीने मोठ्या उत्साहात होळी साजरी केली. त्यांच्या कुटुंबीयांनीही यंदा मोठ्या उत्साहात होळी साजरी केली. प्रियांका चोप्राचा होळी साजरी करतानाचा व्हिडिओ सोशल मीडियावर व्हायरल झाला आहे. एका व्हिडिओमध्ये प्रियांका आणि निक जोनास होळीच्या गाण्यांवर एकत्र नाचताना दिसत आहेत. तर प्रियंकाची बहीण मन्नारा चोप्रा देखील डान्स करताना दिसत आहे.

प्रियंका चोप्राने आपल्या अधिकृत इन्स्टाग्राम अकाऊंटवर होळी सेलिब्रेशनचे काही फोटो आणि व्हिडीओ शेअर केले आहेत. या फोटोंमध्ये प्रियंकाची आई मधु चोप्रा, भाऊ सिद्धार्थ चोप्रा, चुलत बहीण मन्नारा चोप्रा हे देखील दिसत आहेत. यावेळी सर्वजण डान्स करत धम्माल करताना दिसत आहेत. प्रियंका, निक आणि मालती यांनी पांढऱ्या रंगाची ड्रेसिंग केलीये. तिघेही ट्रेडिशनल लूकमध्ये दिसत आहेत.

प्रियंका चोप्राच्या या पोस्टवरे कमेंट्स करत चाहते तिला शुभेच्छा देत आहेत. त्याचसोबत तिघांच्या ही लूकचे कौतुक करत आहेत. प्रियंकाच्या या पोस्टला ९ लाखांपेक्षा जास्त लाइक्स मिळाले आहेत. प्रियंका चोप्राने निक जोनाससोबत जोधपूरमध्ये आलिशान पद्धतीने लग्न केले होते. हिंदू रितीरिवाजांनुसार आणि ख्रिश्चन रितीरिवाजांनुसार त्यांचा विवाहसोहळा पार पडला होता. प्रियांका आणि निकच्या कुटुंबीयांनी मेहंदी आणि संगीत समारंभात खूप मजा केली होती. त्याचे फोटो आणि व्हिडीओ व्हायरल झाले होते.

प्रियांका चोप्रा आणि निक जोनास यांना जानेवारी 2022 मध्ये सरोगसीद्वारे मुलगी झाली. 2017 मध्ये निक जोनास आणि प्रियांका मेट गाला या फॅशन इव्हेंटमध्ये भेटले होते. येथे त्यांनी Ralph Laurenची डिजाइन सादर केली होती. या कपलने 2018 मध्ये लग्न केले. निक जोनासने प्रियांका चोप्राच्या 'लव्ह अगेन' या चित्रपटात सेलीन डीओन आणि सॅम ह्यूघन यांच्यासोबत कॅमिओची भूमिका केली होती.