Jaya Bachchan Angry Video: ‘मी बहिरी नाही, मला व्यवस्थित...’ पापाराझींवर संतापल्या जया बच्चन; व्हिडीओ व्हायरल

Jaya Bachchan Viral Video: येत्या २८ जुलैला करण जोहर दिग्दर्शित ‘रॉकी और राणी की प्रेम कहाणी’ प्रदर्शित होणार आहे. आलिया- रणवीरसोबत चित्रपटात बॉलिवूडच्या ज्येष्ठ अभिनेत्री जया बच्चन देखील प्रमुख भूमिकेत दिसणार आहे.

चित्रपटाच्या टीमने सर्वत्र जोरदार चित्रपटाचं प्रमोशन केलं आहे. नुकताच चित्रपटाचा प्रीमियर पार पडला. प्रीमियरला यावेळी अनेक बॉलिवूड सेलिब्रिटी आणि इंडस्ट्रीतील संबंधित लोकं यावेळी उपस्थित होते.

नुकताच सोशल मीडियावर चित्रपटाच्या प्रीमियरवेळी झालेल्या रेड कार्पेटवरील एक व्हिडीओ तुफान व्हायरल होत आहे. व्हिडीओमध्ये ज्येष्ठ अभिनेत्री जया बच्चन (Jaya Bachchan) फोटोग्राफर्सवर चांगल्याच भडकलेल्या दिसत आहेत.

जया बच्चन यांनी चित्रपटात मुख्य भूमिका साकारली आहे. चित्रपटाच्या प्रीमियरला त्यांच्यासोबत मुलगा अभिषेक बच्चनदेखील आला होता. जया बच्चन यांना बाहेर उभे असलेल्या पापाराझींनी त्यांच्या नावाचा जयघोष केला. फोटोसाठी पापाराझी वारंवार जया बच्चन यांचं नाव घेत होते. त्यामुळे पापाराझींवर चिडलेल्या जया बच्चन म्हणतात, ‘मी बहिरी नाही’ असं रागात त्या म्हणाल्या.

सध्या सोशल मीडियावर जया बच्चन यांचा हा व्हिडीओ तुफान व्हायरल होत आहे. सोशल मीडियावर सेलिब्रिटी फोटोग्राफर मानव मंगलानी यांनी हा व्हिडीओ शेअर केला आहे. व्हायरल होणाऱ्या व्हिडीओत, चित्रपटाच्या स्पेशल स्क्रिनिंग दरम्यान जया बच्चन अभिषेकची गेटवर वाट पाहत होत्या. यावेळी सर्वच पापाराझी जया बच्चन यांना फोटोसाठी पोज देण्याकरीता विनंती तरत होते. यानंतर जया बच्चन यांना राग आला, रागाच्या भरात जया बच्चन म्हणाल्या, ‘मी बहिरी नाही, मी व्यवस्थित ऐकू शकते.’ असं म्हणत त्या आणि अभिषेक पुढे निघून जातात.

चित्रपटाबद्दल बोलायचे तर, हा चित्रपट येत्या २८ जुलैला प्रदर्शित होणार असून चित्रपटाचे दिग्दर्शन करण जोहर करत आहे, तर चित्रपटात मुख्य भूमिकेत आलिया भट्ट आणि रणवीर सिंहसोबत जया बच्चन, धर्मेंद्र, शबाना आझमी, क्षिती जोग हे कलाकार प्रमुख भूमिका साकारणार आहेत. कौटुंबिक नाट्य, रोमान्स, डान्स असलेला हा चित्रपट पाहण्यासाठी प्रेक्षक फारच उत्सुक आहेत.