धक्कादायक! माजी मिस इंडियाचा घटस्फोट होणार? पतीवर मानसिक - शारीरिक छळाचा आरोप

मनोरंजन विश्वातून एक धक्कादायक बातमी समोर येत आहे. बॉलिवूड अभिनेत्री सेलिना जेटलीनं मुंबईतील न्यायालयात पती पीटर हागविरूद्ध घरगुती हिंसाचाराचा आरोप करत तक्रार दाखल केली आहे. तिनं आरोप केला की, सेलिनाला पतीमुळे भावनिक, शारीरिक, लैंगिक आणि शाब्दिक छळ सहन करावा लागला. सेलिना जेटलीनं पतीवर केलेल्या आरोपांमुळे बॉलिवूड विश्वात खळबळ उडाली आहे.

सेलिना जेटली यांनी दाखल केलेल्या याचिकेवर मंगळवारी न्यायालयात सुनावणी झाली. न्यायालयाने या प्रकरणात सेलिनाचे पती पीटर हाग यांना नोटीस बजावली असून, पुढील सुनावणी १२ डिसेंबर रोजी ठेवण्यात आली आहे. मिळालेल्या माहितीनुसार, सेलिना जेटलीनं एका नामांकित कायदे फर्ममार्फत ही याचिका दाखल केली आहे.

अभिनेत्री सेलिना जेटली यांनी आपल्या याचिकेच गंभीर आरोप केले आहेत. त्यांच्या म्हणण्यानुसार, पती पीटर हाग यांनी त्यांचा शारीरिक आणि मानसिक छळ केलाआहे. या सततच्या त्रासामुळे त्यांना ऑस्ट्रियातील घर सोडून भारतात परतण्यास भाग पाडण्यात आले. माजी मिस इंडियाने न्यायालयात दाखल केलेल्या याचिकेनुसार, विवाहानंतर पतीनं त्यांना काम करण्यास नकार दिला.

अभिनेत्रीनं दाखल केलेल्या याचिकेनुसार, 'पीटर हाग अत्यंत एकलकोंडे असून, त्यांना रागावर नियंत्रण नाही. तसेच त्यांना मद्यपानाची सवय आहे', पतीच्या या कारणांमुळे सेलिना मानसिक तणावात आयुष्य जगत होती. याचिकेत असेही स्पष्ट करण्यात आले की, 'ऑगस्ट महिन्यांत पीटर हाग यांनी ऑस्ट्रिया न्यायालयात घटस्फोटासाठी अर्ज दाखल केला आहे'.

दरम्यान, सेलिना जेटलीनं पती पीटर हागकडून ५० नुकसान भरपाई आणि प्रति महिना १० लाख रूपयांची पोटगी देण्याची मागणी केली आहे. तसेच, तीन मुलांना भेटण्याचा अधिकार देण्याचीही मागणी केली आहे.