Arjun Kapoor : मलायकाच्या बर्थ डेनंतर अर्जुनच्या पोस्टने वेधलं लक्ष, म्हणाला Never forget...

फिटनेस क्विन मलायका अरोराचा (Malaika Arora) 23 ऑक्टोबरला वाढदिवस होता. मलायका आता 51 वर्षांची झाली आहे. तिने आपल्या लूकने चाहत्यांना भुरळ पाडली आहे. मलायकाच्या वाढदिवसानंतर अर्जुनने सोशल मीडियावर एक पोस्ट केली आहे. ज्यामुळे सर्वांचे लक्ष वेधून घेतलं आहे. अर्जुनने (Arjun Kapoor) आपल्या इन्स्टाग्राम स्टोरी शेअर केली आहे. अरबाज खानसोबत घटस्फोट झाल्यानंतर मलायका आणि अर्जुन सहा वर्षे एकमेकांना डेट करत होते.

बॉलिवूडमध्ये अभिनेता अर्जुन कपूर आणि अभिनेत्री मलायका अरोरा कायमच त्यांच्या नात्यामुळे चर्चेत राहिले. अर्जुन कपूर हा मलायकापेक्षा 12 वर्षांनी लहान आहे. त्यामुळे त्यांना अनेकदा ट्रोल करण्यात आले. सध्या सोशल मीडियावर अर्जुन आणि मलायकाच्या ब्रेकअपची चर्चा रंगली आहे. अर्जुनच्या वाढदिवसाला मलायका कुठेच दिसली नाही. आता मलायकाच्या वाढदिवसादरम्यान अर्जुनच्या एका पोस्टने सर्वांचे लक्ष वेधून घेतलं आहे. नेटकऱ्यांनी या पोस्टचा संबंध त्यांच्या ब्रेकअपशी जोडला आहे.

अर्जुन कपूर आपल्या इन्स्टाग्रामवर एक स्टोरी टाकली आहे. त्यात असे लिहिलं आहे की, 'Never forget who you are' हा 'द लायन किंग' या चित्रपटातील डायलॉग आहे. मलायका आणि अर्जुन अनेक बॉलिवूड पार्ट्या आणि डिनर डेटला एकत्र स्पॉट व्हायचे. मलायकाच्या वडिलांच्या निधनावेळी अर्जुन कपूर तेथे पहिला पाहायला गेला. तिच्या कठीण काळत तो नेहमी मलायकासोबत उभा राहिला.

अर्जुन कपूर आणि मलायका अरोरा दोघांनी आपल्या कामाने चाहत्यांच्या मनात घर केले आहे. मलायका नेहमी आपल्या फिटनेसने प्रेक्षकांना प्रेरणा देत असते. तर अर्जुन कपूर आता 'सिंघम अगेन' या चित्रपटातून प्रेक्षकांच्या भेटीला येत आहे.