Malaika Arora Birthday : मलायका अरोराचा जलवा! एका आयटम साँगने मिळाली ओळख, रातोरात बनली स्टार

आपल्या सौंदर्याने आणि फिटनेसमुळे अनेकांच्या मनावर राज्य करणारी अभिनेत्री मलायका अरोराचा (Malaika Arora ) आज (23 ऑक्टोबर) वाढदिवस आहे. मलायका आता 51 वर्षांची झाली आहे. तिने आपल्या फिटनेसने चाहत्यांना भुरळ पाडली आहे.

मलायका अरोरा ही अभिनयासोबतच डान्ससाठी ओळखली जाते. मलायका अरोराने आजवर अनेक हिट चित्रपट दिले आहे. तसेच तिने अनेक हिट गाण्यांवर डान्स देखील केला आहे. अनेक गाणी फक्त तिच्या डान्समुळे सुपरहिट ठरली आहेत. तिचा अंदाज चाहत्यांना नेहमी घायाळ करतो. बॉलिवूडमध्ये तिची ओळख 'आयटम गर्ल' अशी आहे. तिने अनेक आयटम साँग केले आहेत. 1998 मध्ये प्रदर्शित झालेल्या 'दिल से' या शाहरुख खानच्या चित्रपटात तिने एक भन्नाट आयटम साँग केलं आहे. तिने या चित्रपटात 'छैया छैया' या गाण्यावर डान्स केला आहे. या गाण्यामुळे मलायका अरोरा रातोरात स्टार बनली. ती प्रसिद्धीच्या झोकात आली. मलायका आता अनेक डान्स रिअ‍ॅलिटी शोची जज देखील आहे.

बॉलिवूडची अभिनेत्री मलायका अरोराने आपल्या करिअरची सुरुवात व्हिडीओ जॉकी म्हणून केली. मलायकाने मॉडेलिंगमध्ये देखील आपले नाव कमावले आहे. तिने अनेक मॉडेलिंग शो देखील जज केले आहेत.

वयाच्या 25 व्या वर्षी मलायका अरोराने सलमान खानच्या भावाशी म्हणजे अरबाज खानसोबत 1998 मध्ये लग्न केल. त्यांना अरहान खान हा मुलगा आहे. त्यानंतर 2017 ला मलायका आणि अरबाजचा घटस्फोट झाला. लग्नाच्या 19 वर्षांनंतर ते विभक्त झाले. अरबाजसोबतच्या घटस्फोटानंतर मलायका अर्जून कपूरसोबत रिलेशनशिपमध्ये होती.