Badaas Ravi Kumar: हिमेशच्या नव्या चित्रपटाची चर्चा, समीक्षकांकडून टीझरची उडवली खिल्ली

Badaas Ravi Kumar Teaser: आपल्या गाण्यांनी प्रेक्षकांच्या मनाला भूरळ घालणाऱ्या प्रसिद्ध गायक हिमेश रेशमियाने पुन्हा एकदा चित्रपटात पदार्पण केले आहे. त्याने गुरुवारी त्याच्या 'बॅडएस रवीकुमार' या नव्या चित्रपटाची घोषणा केली. हा चित्रपट त्याचा 'द एक्स्पोज' चा स्पिन ऑफ चित्रपट असणार आहे. हिमेश रेशमिया या चित्रपटात रवीकुमारचे पात्र साकारत आहे. 'बॅडएस रवी कुमार'चा टीझर रिलीज करून चित्रपटाची घोषणा केली. टीझरमध्ये हिमेश रेशमियाचा अॅक्शन अवतार दिसत आहे.

स्वत:ला अभिनेता आणि चित्रपट समीक्षक म्हणवणाऱ्या केआरकेने (कमल आर खान) हिमेश रेशमियाच्या नवीन चित्रपटावर ताशेरे ओढले आहेत. त्याने सोशल मीडियावर हिमेश रेशमियाच्या चित्रपटाची खिल्ली उडवली आहे. केआरके सोशल मीडियावर बराच अॅक्टिव्ह असतो. आपल्या चाहत्यांशी कनेक्ट राहण्यासाठी तो अनेकदा खास फोटो आणि व्हिडिओ शेअर करतो. केआरकेने त्याच्या अधिकृत ट्विटर हॅंडलवर हिमेश रेशमियाचा 'बॅड्स रवी कुमार' चित्रपटाची खिल्ली उडवली आहे.

केआरकेने आपल्या ट्विटमध्ये लिहिले, 'हिमेश रेशमियाच्या बॅडएस रवी कुमारच्या नवीन चित्रपटाची घोषणा. हिमेशने चित्रपटाची कथा लिहिली आहे, हिमेशचे संगीत, हिमेशने दिग्दर्शित केले आहे, हिमेशने निर्मित केले आहे. अभिनेताही हिमेश आणि प्रेक्षकही हिमेश.' केआरकेचे हे ट्विट सोशल मीडियावर चांगलेच व्हायरल होत आहे. या ट्विटवर अनेक सोशल मीडिया यूजर्स आपली प्रतिक्रिया देत आहेत.

बॅडएस रवी कुमार या चित्रपटाबद्दल बोलायचे झाले तर यावेळी हिमेश डबल अॅक्शन करताना दिसणार आहे. यासोबतच त्याचे धमाकेदार संवाद आणि आकर्षक संगीत ही त्याची सिग्नेचर स्टाइलही या चित्रपटात पाहायला मिळणार आहे. हिमेश प्रेक्षकांसाठी उत्तम गाण्यांसोबतच अभिनयही देत असतो. २००८ साली हिमेशने ऋषि कपूरच्या 'कर्ज' चित्रपटाचा रिमेक केला होता जो बॉक्स ऑफिसवर सपशेल आपटला.

त्यानंतर त्याने स्वतःच्याच एका हिट गाण्याच्या अल्बमच्या नावाने एक नाही दोन चित्रपट काढले ते म्हणजे 'तेरा सुरूर' आणि 'आप का सुरूर'. हे दोन्ही चित्रपट सुद्धा सुपरफ्लॉप ठरले. तरीही हिमेशने 'दमादम', 'कजरा रे', 'रेडियो' सारख्या फ्लॉप चित्रपटांची मालिका कायम ठेवली. त्याच्या 'खिलाडी ७८६' आणि 'द एक्स्पोज' या दोन चित्रपटांना चांगल्या प्रमाणात यशप्राप्त केले.