Ira Khan Wedding Update: मराठमोळ्या पद्धतीने होणार आमिर खानच्या लाडक्या लेकीचं लग्न, कधी आणि कुठं होणार आयराचा विवाहसोहळा?

Ira Khan And Nupur Shikhare Wedding Update

बॉलिवूडचा (Bollywood) 'मिस्टर परफेक्शनिस्ट' म्हणजेच अभिनेता आमिर खानची (Aamir Khan) मुलगी आयरा खान (Ira Khan) लवकरच विवाहबंधनात अडकणार आहे. आयरा खान (Ira Khan) आणि नुपूर शिखरेच्या (Nupur Shikhare) लग्नाबाबत गेल्या काही दिवसांपासून चर्चा सुरु आहे. येत्या ३ जानेवारीला हे कपल विवाहबंधनात अडकणार आहे. आयरा आणि नुपूरच्या प्री-वेडिंग फंक्शन्सना सुरूवात झाली आहे. लग्नाला अवघे काही दिवसच शिल्लक असून नुकतीच लग्नाबद्दल एक महत्वाची अपडेट समोर आली आहे. (Bollywood)

‘न्यूज १८’ ने सूत्रांच्या हवाल्याने दिलेल्या माहितीनुसार, खान कुटुंबीय आणि शिखरे कुटुंबीय सध्या प्रचंड आनंदित आहेत. हे दोन्हीही कुटुंबीय नव्या वर्षाची सुरुवात खूपच आनंदी आणि धमाकेदार पद्धतीने करणार आहेत. इरा आणि नुपूरचे लग्न ३ जानेवारीला वांद्रे येथील आलिशान ताज लँड्स एंड हॉटेलमध्ये होणार आहे. आणि नंतर ६ ते १० जानेवारी दरम्यान दोन रिसेप्शन पार्टी होणार आहेत. पहिली दिल्लीमध्ये आणि दुसरी जयपूरमध्ये होणार आहे. (Bollywood News)

रिपोर्टनुसार, आमिर त्याच्या मुलीच्या लग्नासाठी खूपच उत्सुक आहे. अमिर स्वत: बी-टाऊनमधील त्याच्या कलाकार मित्रांना लग्नाचं आमंत्रण देत आहे. अनेक सेलिब्रिटी न्यू इयरच्या सेलिब्रेशनसाठी सुट्टीवर गेल्यामुळे ते लग्नाला उपस्थित राहू शकत नाहीत. त्यामुळे अनेक कलाकार जयपूरमधील रिसेप्शनला हजेरी लावतील. इतकंच नाही तर आयराचं लग्न पारंपरिक महाराष्ट्रीय पद्धतीने होणार आहे. (Social Media)

नुपूर व आयरा यांचे काही दिवसांपूर्वीच मराठमोळ्या पद्धतीने केळवण पार पडले, त्यांच्या केळवणादरम्यानचे फोटोही इन्स्टाग्रामवर शेअर केले होते. आयरा आणि नुपूर दोघेही एकमेकांना कोरोनाकाळापासून ओळखतात. नुपूर शिखरे पेशाने फिटनेस ट्रेनर आहे. काही दिवस एकमेकांना डेट केल्यानंतर त्यांनी लग्न करण्याचा निर्णय घेतला. नोव्हेंबर २०२२ मध्ये त्यांनी इटलीमध्ये साखरपुडा केला होता. (Entertainment News)