Bodyguard Director Died : सिनेसृष्टीवर शोककळा; बॉडीगार्डचे दिग्दर्शक सिद्दिकी इस्माईल यांचे निधन

Malayalam director Siddique Passes Away:

प्रसिद्ध मल्याळम चित्रपट निर्माते सिद्दिकी यांचे मंगळवारी वयाच्या ६३ वर्षी निधन झाले आहे. सिद्दीकी यांना ७ ऑगस्ट रोजी हृदयविकाराचा झटका आल्याने कोचीच्या रुग्णालयात दाखल करण्यात आले होते. त्यांची प्रकृती चिंताजनक होती.

हृदयविकाराचा झटका आल्यानंतर सिद्दिकीची प्रकृती बिघडली आणि त्यांना ईसीएमओ (एक्स्ट्राकॉर्पोरियल मेम्ब्रेन ऑक्सिजनेशन) वर ठेवण्यात आले. यकृताशी संबंधित समस्या आणि न्यूमोनियाचे उपचार त्यांच्यावर सुरू होते. त्यांना व्हेंटिलेटर सपोर्टवर ठेवण्यात आले होते.

सिद्दिकीला जवळपास महिनाभरापूर्वी यकृताचा आजार आणि ब्रॉन्कोपोनिमोनियामुळे रुग्णालयात दाखल करण्यात आले होते.

"फुफ्फुस निकामी झाल्यामुळे त्यांना व्हेंटिलेटरवर ठेवण्यात आले होते आणि वैद्यकीय व्यवस्थापनाने त्यांची प्रकृती सुधारली होती. त्यांना व्हेंटिलेटरवरून काढण्यात आले होते आणि ते सप्लिमेंटल ऑक्सिजन थेरपीवर होते. उपचार सुरू असताना त्यांना हृदयविकाराचा तीव्र झटका आला आणि इमर्जन्सी अँजिओप्लास्टी करण्यात आली.

"कार्डिओजेनिक शॉक आणि श्वसनक्रिया बंद पडल्यामुळे त्यांना ईसीएमओ सपोर्टवर ठेवण्यात आले होते. त्यांचे मल्टी-ऑर्गन डिसफंक्शन सूरू झाले आणि 8 ऑगस्ट रोजी रात्री 9.10 वाजता त्यांना मृत घोषित करण्यात आले," असे रुग्णालयातील सूत्रांनी पीटीआयला सांगितले. (Latest Entertainment News)

सिद्दिकीसाठी शोक व्यक्त केला

केरळचे राज्यपाल आरिफ मोहम्मद खान, मुख्यमंत्री पिनाराई विजयन आणि केरळ प्रदेश काँग्रेस कमिटीचे अध्यक्ष के सुधाकरन यांनी प्रसिद्ध चित्रपट निर्मत्याच्या निधनानंतर शोक व्यक्त केला.

"मल्याळम चित्रपटाचे प्रसिद्ध दिग्दर्शक, सिद्दिकी यांच्या दुःखद निधनाबद्दल मनापासून शोक व्यक्त करतो. त्यांचे चित्रपट एखाद्या व्यक्तीशी सहज कनेक्ट होतात. कॉमेडी आणि मनोरंजनासाठी बेंचमार्क सेट करू शकतील अशा पात्रांसह त्यांनी नेहमी आऊट ऑफ द बॉक्स कामगिरी केली आहे. त्यांच्या आत्म्याला शांती मिळो," असे केरळचे राज्यपाल आरिफ मोहम्मद खानयांनी ट्विटमध्ये म्हटले आहे.

केरळचे मुख्यमंत्री पिनाराई विजयन म्हणाले की, सिद्दीकीने जीवनातील गंभीर समस्या विनोदी पद्धतीने चित्रित करण्याची उत्कृष्ट कामगिरी केली.

"सिद्दीक एक उत्कृष्ट पटकथा लेखक आणि दिग्दर्शक होते. त्यांनी आणि लाल यांनी बनवलेल्या अनेक चित्रपटांमधील विविध क्षण आणि संवाद अनेक दशकांनंतरही आपल्या मनात कायम आहेत ही वस्तुस्थिती त्यांच्या प्रतिभेचा पुरावा आहे," असे विजयन यांनी एका निवेदनात म्हटले आहे.

सिद्दीक कोण आहे?

सिद्दीकीने त्याचा मित्र लाल याच्यासोबत सहाय्यक दिग्दर्शक म्हणून मल्याळम सिनेमात एंट्री केली. त्यांनी 1983 मध्ये दिग्गज चित्रपट निर्माते फाजिल यांच्या हाताखाली काम केले. दोघांनी रामजी राव स्पीकिंग, इन हरिहर नगर, गॉडफादर आणि व्हिएतनाम कॉलनी यांसारखे उद्योगातील काही सर्वात हिट चित्रपट दिले आहेत.

मल्याळम व्यतिरिक्त, सिद्दिकी तमिळ, तेलगू आणि हिंदी चित्रपटांचे देखील दिग्दर्शक आहेत. त्याने सलमान खानच्या बॉडीगार्डचे दिग्दर्शन केले होते , ज्यात करीना कपूरही होती.

सिद्दीकीचा शेवटचा चित्रपट बिग ब्रदर होता जो २०२० मध्ये प्रदर्शित झाला होता. यात मोहनलाल, अरबाज खान, अनूप मेनन, विष्णू उन्नीकृष्णन, सर्जनो खालिद, हनी रोज, मिर्ना मेनन, चेतन हंसराज, गाधा, सिद्दिकी आणि टिनी टॉम यांच्यासोबत महत्त्वाच्या भूमिकेत होते.