Suraj Chavan : “...अन् गुलीगत धोका”, सूरज चव्हाणच्या 'झापुक झुपूक' सिनेमाचा ट्रेलर पाहून डोळ्यात येईल पाणी

‘बिग बॉस मराठी 5’ चा विजेता सूरज चव्हाण (Suraj Chavan) आता लवकरच मोठ्या पडद्यावर पाहायला मिळणार आहे. त्याचा 'झापुक झुपूक' (Zapuk Zupuk) चित्रपट रिलीजसाठी आता फक्त काही दिवस बाकी आहेत. नुकताच 'झापुक झुपूक' चित्रपटाचा धमाकेदार ट्रेलर (Trailer Release) प्रेक्षकांच्या भेटीला आला आहे. चित्रपटाच्या घोषणेपासून चाहते सिनेमा पाहण्यासाठी आतुर होते.

'झापुक झुपूक' चित्रपटाचा ट्रेलर पाहून चाहत्यांची उत्सुकता शिगेला पोहचली आहे. सूरज चव्हाणने इन्स्टाग्रामवर ट्रेलर पोस्ट करून त्याला हटके कॅप्शन दिलं आहे. त्याने कॅप्शनमध्ये लिहिलं की, “अख्ख्या महाराष्ट्रात झापुक झुपूकचं वेड पसरलय आता गोलीगत सूरज चव्हाण घेऊन येतोय Trailer! जब्बार धमाका करायचा... आख्ख्यांनी ट्रेलरला भरपूर प्रेम आणि like द्यायचं...एकदम गोलीगत…! २५ एप्रिल पासून, ‘झापुक झुपूक’ तुमच्या जवळच्या चित्रपटगृहात!“

सूरजच्या नवीन चित्रपटाच्या ट्रेलरवर चाहत्यांकडून कमेंट्सचा वर्षाव होत आहे. त्याचे सर्वत्र कौतुक होताना पाहायला मिळत आहे. 'झापुक झुपूक' चित्रपटाचे दिग्दर्शन केदार शिंदे यांनी केले आहे. या चित्रपटातून सूरजच्या आयुष्याचा आजवरचा संघर्ष दाखविण्यात येणार आहे. 'झापुक झुपूक' चित्रपट कॉमेडी, ड्रामा, इमोशनल आणि ॲक्शनने भरपूर आहे. शून्यातून सूरजने सुरू केलेला प्रवास आणि आता मिळत असलेले त्याला प्रेम चित्रपटात पाहता येणार आहे.

'झापुक झुपूक' चित्रपटात सूरजची प्रेम कहाणी पाहायला मिळणार आहे. सूरजचा 'झापुक झुपूक' चित्रपट 25 एप्रिलला प्रेक्षकांच्या भेटीला येणार आहे. 'झापुक झुपूक' चित्रपटात इंद्रनील कामत, हेमंत फरांदे, पायल जाधव, जुई भागवत आणि दीपाली पानसरे, पुष्कराज चिरपुटकर, मिलिंद गवळी हे कलाकार मुख्य भूमिकेत झळकणार आहेत.