Suraj Chavan : काळी साडी, हलव्याचे दागिने सूरज चव्हाणच्या बायकोचा थाट न्यारा; लग्नानंतरच्या पहिल्या सणाची तयारी सुरू, VIDEO होताय व्हायरल

'बिग बॉस मराठी 5' विजेता सूरज चव्हण 29 नोव्हेंबरला लग्न बंधनात अडकला. सूरजने चुलत मामाची मुलगी संजनासोबत लग्नगाठ बांधली. त्यांच्या लग्नाचे , लग्नानंतरच्या कार्यक्रमांचे फोटो आणि व्हिडीओ सोशल मीडियावर तुफान व्हायरल झाले. अशातच आता एक व्हिडीओ समोर आला आहे. ज्यात सूरज आणि संजना लग्नानंतरचा पहिला सण साजरा करताना दिसत आहे.

सूरज चव्हणचा एक व्हिडीओ व्हायरल होत आहे. ज्यात सूरज आपल्या बायकोसोबत लग्नानंतरचा पहिला सण मकरसंक्रांत साजरी करताना दिसत आहे. "पहिली मकर संक्रांत...नव्या नात्याची, नव्या सुरुवातीची..." असे कॅप्शन व्हिडीओला देण्यात आले आहे. या व्हिडीओर नेटकऱ्यांकडून कमेंट्सचा वर्षाव होत आहे. त्यांच्या लूकचे कौतुक होताना दिसत आहे. तसेच नवीन आयुष्यासाठी शुभेच्छा दिल्या जात आहेत.

सूरज - संजना लूक

संजनाने सुंदर काळ्या रंगाची काठा-पदराची नऊवारी साडी नेसली आहे. सुंदर साज श्रृंगार करून संजना नटली आहे. तिने हलव्याचे सुंदर दागिने परिधान केले आहे. ज्यात तिचे सौंदर्य खुलले आहे. केसांचा बन, सुंदर गजरा तिने माळला आहे. मिनिमल मेकअप, कपाळावर बंदी , नाकात नथ घालून सूरजची नवरी शोभून दिसत आहे. सूरजने ऑफ व्हाइट रंगाची सदरा परिधान केला आहे. दोघे एकत्र खूप भारी दिसत आहे.

पतंगबाजी

व्हिडीओमध्ये सूरज आणि संजनाचा रोमँटिक अंदाज पाहायला मिळत आहे. दोघे एकत्र पतंग उडवताना दिसत आहे. दोघे एकमेकांमध्ये गुंतलेले आहेत. संजनाच्या हातात फुलांनी भरलेले ताट पाहायला मिळत आहे.