Bigg Boss Marathi Season 5 : "मी एकदम साधा माणूस, पण राग आला तर..."; गोलीगत सूरजने अंकिताला स्पष्टच सांगितलं

बिग बॉस मराठी सुरू होताच घरातील सर्व स्पर्धकांनी प्रेक्षकांच्या मनावर अधिराज्या गाजवण्यास सुरूवात केली आहे. सर्व स्पर्धकांमध्ये गोलीगत सूरज घरातील खेळात जास्त दिसत नसला तरी त्याने आपल्या प्रेमळ स्वभावाने घरातील सदस्य आणि बाहेरील सर्व प्रेक्षकांचे मन जिंकले आहे. नुकताच सूरजचा एक व्हिडिओ समोर आला आहे. यामध्ये सूरज त्याच्या रागाबद्दल सांगताना दिसतोय.

सूरजला येतेय गावाची आठवण

पुढील भागाचा एक प्रोमो व्हिडिओ व्हायरल झाला आहे. @trpmarathi या इंस्टाग्राम अकाउंटवर हा व्हिडिओ पोस्ट करण्यात आला आहे. व्हिडिओमध्ये सूरज अंकिता आणि पॅडी दादासह गप्पा मारत आहे. त्यांच्याशी संवाद साधताना तो आपल्या गावाचा उल्लेख करतो. सूरज म्हणतो की, "काही झालं तरी गाव महत्वाचं आहे मला. कधी गावाकडे जातोय आणि सर्वांना भेटतोय असं मला झालंय. इथे नुसता आरडाओरडा सुरू असतो." असं सूरजने म्हटलं आहे.

अंकिता सूरजला यावेळी सांगते की अशावेळी आपण आपल्या भावनांना कंट्रोल करणं गरजेचं आहे. त्यावर सूरज म्हणतो की, "मी एकदम साधा माणूस आहे. पण राग आला तर मी पुढचं मागचं बघत नाही. इथे मी स्वत:ला खूप कंट्रोल केलंय.", असं स्पष्ट शब्दांत तो अंकिताला सांगतो.

सूरज गावी राहणारा आणि निरक्षर मुलगा आहे. मात्र तरीही त्याच्या रिल्सने आणि गाण्यांनी साऱ्यांच्या मानावर राज्य केलं आहे. बिग बॉसच्या घरात आल्यानंतर कॅप्टनसी मिळाल्यावर सूरज थोडं फार बोलताना दिसू लागला आहे. आजच्या भागात तुम्हाला सूरज पॅडी दादाला मसाज देत असल्याचं सुद्धा पहायला मिळणार आहे. समोर आलेल्या प्रोमो व्हिडिओमध्ये एक सूरज पॅडी दादाचे हात पाय दाबत आहे. सूरज करत असलेला हा मसाज पाहून पॅडी दादा त्याला म्हणतात की, "तुला मसाज काय असतो तेच दाखवतो"