Bigg Boss Marathi 5: जान्हवीने अरबाजला कॅप्टनसी टास्कमधून बाहेर काढलं, आता वैभवचं काय होणार?

'बिग बॉस मराठी'(Bigg Boss Marathi) च्या घरात नुकताच पार पडलेला कॅप्टनसी टास्कने सर्वांचे लक्ष वेधून घेत आहे. एकीकडे आर्याने निक्कीच्या कानशिलात लगावली तर दुसरीकडे कॅप्टन न होता आल्याने निक्की हतबल झाली आहे. या संदर्भातील चर्चा बिग बॉस घरात पाहायला मिळत आहे. जान्हवी म्हणतेय, "मला ट्रॉफी मिळो किंवा नको मिळो मला निक्कीचा गर्व उतरवायचा आहे". त्यावर पॅडी दादा म्हणतात, "तिचा गर्व उतरलाय, हतबल झाली आहे ती." यावर अंकिता म्हणतेय, "आम्ही तिला सांगत होतो फुटेज देऊ नको आम्हाला तू बाहेर जा".

'बिग बॉस 'च्या घरात टीम ए विरूद्ध टीम बी पाहायला मिळत आहे. आधी पासूनच घरात टीम बी चं वर्चस्व पाहायला मिळत आहे. पण आता मात्र खेळाला नवा रंग येणार आहे. करण टीम ए मधील निक्की बिग बॉसच्या शिक्षेमुळे कधीच कॅप्टन होऊ शकणार नाही. तर जान्हवीने दुसऱ्या फेरीत कॅप्टन्सी टास्कमध्ये बजर वाजवून अरबाजला नॉमिनेट केले. आता फक्त टीम ए मधील वैभव (Vaibhav Chavan) राहिलाआहे. आता त्याला तरी कॅप्टन्सी मिळेल का? की सर्व बाजी टीम बी मारणार हे पाहणे मनोरंजक ठरणार आहे. जान्हवी एकटी गेम खेळणार आहे. त्यामुळे तिची पुढची खेळी काय असेल याकडे प्रेक्षकांचे लक्ष लागून राहणार आहे.

'बिग बॉस मराठी'च्या आजच्या भागात जान्हवी आणि अभिजीत अरबाजबद्दल चर्चा करताना दिसणार आहेत. जान्हवी म्हणतेय,"अरबाजला मला काहीतरी मोठं काम द्यायचं होतं. माझी टीम जर तयार असेल तर मी करेल असं मी त्याला म्हणाले होते". अभिजीत म्हणतो, "मागच्या आठवड्यात तिकडे सुरू होतं ते आता तुझ्यासोबत सुरू आहे". जान्हवी म्हणते, "करू देत, माझ्याकडे सगळ्याची उत्तरं आहेत. कॅप्टनसी पदाच्या उमेदवारीतून मला काढण्यात आलंय. मी त्याला का आता सेफ करावं".