Bigg Boss Marathi 6 : बिग बॉसच्या घरातून सर्वात स्टाँग स्पर्धक पडणार बाहेर? 'त्या' एका चुकीने गेम पलटला, नाव वाचून बसेल धक्का

'बिग बॉस मराठी ६' चा आता १३ वा आठवडा सुरू आहे. रितेश भाऊ होस्ट करत असलेला हा शो आता शेवटच्या टप्प्यावर आला आहे. सर्वजण 'बिग बॉस मराठी ६'च्या ग्रँड फिनालेची उत्सुकतेने वाट पाहत आहेत. नुकताच घरात तिकीट टू फिनाले टास्क रंगला. यात राकेश बापट आणि अनुश्री मानेला मागे टाकून तन्वी कोलते पहिली फायनलिस्ट बनली आहे. तिला प्रेक्षकांकडून भरपूर प्रेम मिळत आहे.

तन्वी कोलते थेट फायनलला गेल्यामुळे ती या आठवड्यात सेफ आहे. तर रेवा कौरासे या आठवड्याची कॅप्टन असल्यामुळे ती देखील सेफ आहे. या आठवड्यात घराबाहेर जाण्यासाठी ५ सदस्य नॉमिनेट झाले आहेत.

• राकेश बापट

• अनुश्री माने

• विशाल कोटियन

• दिपाली सय्यद

• राखी सावंत

बिग बॉसच्या या आठवड्यात विशाल कोटियन आणि राखी सावंत यांपैकी एक स्पर्धक बाहेर जाणार असल्याची चर्चा सोशल मीडियावर रंगली आहे. राखी सावंत या घरात एक वाइल्ड कार्ड स्पर्धक म्हणून आली होती. तिने घरात आल्यापासून सर्वांशी भांडताना दिसत आहे. या आठवड्यात राखी तन्वी आणि विशालच्या मागे लागलेली पाहायला मिळाली. तसेच गेल्या आठवड्यात विशाल आणि राकेशमध्ये तुफान राडा होता. ज्यात दोघेही एकमेकांच्या वैयक्तिक आयुष्यावर टीका-टिपणी करतात. यामुळे राकेश बापटला एका आठवड्यासाठी आणि विशाल कोटियनला संपूर्ण सिझनसाठी नॉमिनेट केले जाते.

आता शेवटच्या टप्प्यावर येऊन कोण घराचा निरोप घेणार हे शनिवार-रविवारी भाऊच्या धक्क्यावर समजेल. अद्याप कोणत्याही नावाची अधिकृत घोषणा झाली नाही. रितेश देशमुखच्या भाऊच्या धक्क्याकडे सर्वांचे लक्ष आहे. तसेच या आठवड्यात तन्वी कोलते आणि दिपाली सय्यद यांच्यातही वाद होतात. तन्वीमुळे दिपाली खूप दुःखावते.'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळतो.