Suraj Chavan Wedding : सूरज चव्हाणच्या होणाऱ्या बायकोसोबत अंकिता वालावलकरनं शेअर केला फोटो, म्हणाली- "खरंच लग्न जमलंय"

'बिग बॉस मराठी 5' चा विजेता सूरज चव्हाण सध्या त्याच्या वैयक्तिक आयुष्यामुळे चांगलाच चर्चेत आहे. अलिकडेच त्याने एका मुलीसोबत साऊथ इंडियन स्टाइलमध्ये फोटो शेअर केला होता. ज्यामुळे सूरज चव्हाणच्या लग्नाच्या (Suraj Chavan Wedding) चर्चांना उधाण आले. आता मात्र सूरज चव्हाणच्या बहिणीने या गोष्टीवर शिक्कामोर्तब केला आहे. सूरज चव्हाण बिग बॉसच्या घरात असल्यापासून कोकण हार्टेड गर्ल अंकिता वालावालकरला (Ankita Walawalkar ) आपली बहीण मानतो. बिग बॉसनंतर ही दोघेही हे नाते जपत आहे.

अंकिता वालावालकरने नुकताच एक व्हिडीओ आणि काही फोटो सोशल मीडियावर शेअर केले आहे. ज्यातून तिने सूरज चव्हाणचे खरंच लग्न ठरल्याचे सांगितले आहे. नुकतीच अंकिता सूरजला भेटण्यासाठी त्याच्या घरी गेली होती. तेव्हा तिने सूरजच्या नवीन घराचे काम पाहिले. तसेच सूरजच्या होणाऱ्या बायकोला भेटली. तिच्याशी गप्पा मारल्या अंकिताने इन्स्टाग्रामवर होणाऱ्या वहिनीसोबत फोटो शेअर करून त्यावर लिहिलं की, "सूरजला खूप खूप शुभेच्छा, लग्नाला येणे शक्य होईल असं वाटत नसल्यामुळे ही भेट..."

सूरजच्या लग्नाला अंकिता जाऊ शकणार नसल्यामुळे तिने दादा-वहिनीची आधीच भेट घेतली आहे. अंकिताने शेअर केलेल्या व्हिडीओमध्ये ती सूरजचे घर दाखवत आहे. तसेच होणाऱ्या वहिनीचे कौतुक देखील करत आहे. अंकिता म्हणते की, "सूरजच्या लग्नाला जाणे कदाचित मला शक्य होणार नसल्याने ही एक सदिच्छा भेट आहे. खरंच सूरजच लग्न जमलं आहे. मुलगी सुद्धा खूपच गोड आहे. लवकरच तो तुम्हाला गुडन्यूज देणार आहे... "

अंकिता वालावालकरच्या या व्हिडीओवर चाहत्यांकडून कमेंट्सचा वर्षाव होत आहे. तसेच चाहते सूरजला शुभेच्छा देत आहेत. आता सूरज आपल्या होणाऱ्या बायकोचा चेहरा कधी दाखवणार तसेच लग्नाची अधिकृत गुडन्यूज कधी देणार याकडे चाहत्यांचे लक्ष लागून आहे.