'बिग बॉस 19'च्या घरात 'वीकेंड का वार' मध्ये उर्फी जावेदची एन्ट्री होते.
तान्या मित्तल आणि अमाल मलिक रोमँटिक डान्स करतात.
अमाल मलिक तान्यासाठी गाणे गातो तेव्हा तान्या लाजते.
'बिग बॉस 19'च्या (Bigg Boss 19) घरात प्रेमाचे वारे वाहताना दिसत आहे. सोशल मीडियावर अशनूर-अभिषेक आणि तान्या- अमालच्या नात्याची चर्चा पाहायला मिळत आहे. बिग बॉसच्या घरात या दोन जोड्या प्रेक्षकांचे भरपूर मनोरंजन करत आहेत. अशात काल 'वीकेंड का वार' पार पडला आहे. 'वीकेंड का वार' सदस्य तुफान मजा-मस्ती करताना दिसले. 'बिग बॉस 19'च्या मंचावर सलमान खान आणि काजोलचा रोमँटिक डान्स देखील पाहायला मिळाला.
'वीकेंड का वार'मध्ये आपल्या अतरंगी फॅशनमुळे कायम चर्चेत असलेली उर्फी जावेद देखील आली होती. तिने 'बिग बॉस 19'च्या घरात प्रवेश केला आणि सदस्यांना एक टास्क खेळायला दिला ज्यात प्रत्येक जण काही ना काही करताना दिसत आहे. सदस्यांनी डान्स देखील केला.
उर्फी जावेद घरातील सदस्यांना विचारते की, यातील कोणते नाते आहे जे पहिले तुटेल? तेव्हा कुनिका तान्या- अमाल यांच्या मागे असलेला लाल हॉर्ट ब्रेक करतात. त्यानंतर तान्या- अमाल एका रोमँटिक गाण्यावर डान्स (Amaal Mallik-Tanya Mittal Romantic Dance Video) करतात. अमाल तान्यासाठी 'हुआ है आज पहली बार' गाणे गातो आणि दोघेही रोमँटिक अंदाजात डान्स करतात. अमाल गाणे गाताना अचानक हात धरतो आणि डान्स करू लागतो हे पाहून तान्या चक्क लाजताना दिसते. तेव्हा पटकन उर्फी बोलते की, तान्या तू लाजत आहेस.
अमाल आणि तान्याच्या डान्सचा व्हिडीओ सोशल मीडियावर तुफान व्हायरल होत आहे. चाहते व्हिडीओवर कमेंट्सचा वर्षाव करत आहे. काहींना त्यांची जोडी खूपच आवडत आहे. मात्र शो संपेपर्यंत अमाल आणि तानियाचे नाते कोणते वळण घेणार हे पाहणे मनोरंजक ठरणार आहे. तसेच नवीन आठवड्यात कोण होणार कॅप्टन आणि नॉमिनेट हे पाहण्यासाठी प्रेक्षक उत्सुक आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.