Bigg Boss Marathi: 'हा नडायचं म्हणून ठरवूनच आलाय'; काल वाईल्ड कार्डनं घरात आला, आज निक्कीला भिडला!, VIDEO

बिग बॉस मराठीच्या घरात सातव्या आठवड्यात सुरूवातीपासूनच राडा झालेला दिसत आहे. नुकतीच बिग बॉसच्या घरात वाइल्ड कार्ड एन्ट्री झाली आहे. रांगडा गडी संग्राम चौगुलेने छत्रपती शिवाजी महाराज की जय घोषणा देत बिग बॉसच्या घरात एन्ट्री केली आहे. संग्रामच्या एन्ट्रीनेच बिग बॉसच्या घरातील वातावरण बदलताना दिसत आहे.

नुकतंच बिग बॉसच्या आगामी एपिसोडचा प्रोमो सोशल मीडियावर शेअर केला आहे. ज्यामध्ये बिग बॉसच्या घरात येताच संग्राम अरबाजला धमकावताना दिसत आहे. तर आता संग्राम थेट निक्कीशी पंगा घेताना दिसतो आहे.

या प्रोमोमध्ये बिग बॉसच्या घरात सातव्या आठवड्यात नॉमिनेशन टास्क होत आहे. यामध्ये बिग बॉस घरातील सदस्याना स्विमिंगपूलच्या जादुई विहरीत पाडायला सांगत आहेत. दरम्यान घरातील एक- एक स्पर्धक विहरीत उडी घेताना दिसत आहेत. संग्राम निक्कीला तुम्हाला पाण्यात जायचं आहे असं सांगतो.

यावर निक्की बिग बॉसला म्हणते, "मेडिकल कंडिशनमुळे मी पाण्यात उतरू शकत नाही." यावर संग्राम बिग बॉस, मी यांना पाण्यात ढकलणार असं म्हणतोय. यावर निक्की तुम्ही मला सांगूच शकत नाही असं म्हणते. तेवढ्यात संग्राम निक्कीला पाण्यात ढकलतो. पाण्यातून बाहेर आल्यानंतर निक्की संतापलेली दिसत आहे. निक्की पुढे , "माझ्याआधी हा घरातून बाहेर निघाला नाही ना तर माझं नाव बदला" असा चॅलेंज देताना दिसते आहे.