Limbu Firawla Song: गौतमी पाटीलनं अमेय वाघला केलं किस, आता लिंबू फिरवणार!

दिलखेचक सौंदर्य आणि नृत्यातील अदाकारीने संपूर्ण महाराष्ट्राला वेड लावणारी गौतमी पाटील नव्या रूपात प्रेक्षकांच्या भेटीला आली आहे. गौतमी पाटीलचं नवं गाणं रिलीज झालं आहे. ज्यामध्ये गौतमीच्या नृत्यानं पुन्हा एकदा नेटकऱ्याचं लक्ष वेधलं आहे.

गौतमी पाटीलचं नवं गाणं आलं आहे. 'लिंबू फिरवला' असं गाण्याचं नाव आहे. लाईक आणि सबस्क्राईब या चित्रपटातील हे पहिलं गाणं असून चित्रपटात गौतमीची झलक दिसणार आहे. गौतमी या गाण्यातून रूपेरी पडद्यावर पदार्पण करत आहे.

प्रत्येकाला ठेका धरायला लावणारे हे गाणे ऐकायला जितके जल्लोषमय आहे, तितकेच ते पाहायलाही कमाल आहे. 'लिंबू फिरवलंय' या गाण्याच्या निमित्ताने गौतमी पाटील पहिल्यांदाच रुपेरी पडद्यावर तिचा जलवा दाखवणार आहे. त्यामुळे आपल्या नखरेल अदाकारांनी घायाळ करणारी गौतमी पाटील या गाण्यातून संपूर्ण महाराष्ट्रावर लिंबू फिरवणार आहे.

लाईक आणि सबस्क्राईब चित्रपटातील 'लिंबू फिरवला' हे गाण्यावर गौतमीने अभिनेत अमेय वाघसोबत डान्स केला आहे.दोघांच्या भन्नाट नृत्याने प्रेक्षकांचे लक्ष वेधले आहे. गौतमी पाटील आणि अमेय वाघ लाईक आणि सबस्क्राईब चित्रपटात अमृता खानविलकर, जुई भागवत, शुभंकर तावडे, विठ्ठल काळे देखील असणार आहेत. येत्या १८ ऑक्टोबरला चित्रपट प्रदर्शित होणार आहे.