'बिग बॉस मराठी 5' (Bigg Boss Marathi 5 ) संपले जरी असले तरी शो मधील स्पर्धक अजूनही चांगलेच चर्चेत आहे. बिग बॉसमुळे घरातील सदस्यांना खूप लोकप्रियता मिळाली आहे. या सीझनमध्ये निक्की आणि अरबाजसोबतच अजून एक कपलची चर्चा पाहायला मिळाली. हे कपल दुसरे तिसरे कोणी नसून वैभव चव्हाण (Vaibhav Chavan ) आणि इरिना रुडाकोव्हा (Irina Rudakova ) आहे.
वैभव आणि इरिनाने नेहमीच प्रेक्षकांकडून प्रेम मिळवल आहे. इरिनाने आपल्या सोशल मीडियावर एक खास व्हिडिओ शेअर केला आहे. त्यामुळे या जोडीने पुन्हा प्रेक्षकांचे लक्ष वेधून घेतलं आहे. इरिनाने दोघांचा जिममध्ये डान्स करतानाचा एक व्हिडिओ इंस्टाग्रामवर शेअर केला आहे. या व्हिडिओमध्ये इरिना आणि वैभव रोमँटिक अंदाजात पाहायला मिळत आहे. त्यांनी 'देखो ना खुद को जरा' या गाण्यावर भन्नाट डान्स केला आहे. त्यांच्या या डान्सवर चाहते भन्नाट कमेंट्स करत आहेत.
इरिनाने या डान्स व्हिडिओला एक हटके कॅप्शन देखील दिले आहे. तिने लिहिलं की, 'देखो ना देखो ना...' तसेच जिममध्ये ऑफर चालू असल्याचे देखील तिने सांगितले आहे. इरिना आणि वैभवचा व्हिडिओ सोशल मीडियावर चांगलाच व्हायरल होताना पाहायला मिळत आहे. या व्हिडिओवर चाहते कमेंट्सचा पाऊस पाडत आहे. एका युजरने लिहिलं की, "बारामतीची सून", तर दुसऱ्या युजरने लिहिलं की, "फॉरेनची पाटलीण" प्रेक्षकांना ही जोडी खूपच आवडते.
बिग बॉस संपल्यानंतर इरिना आणि वैभव अनेक वेळा एकत्र स्पॉट होतात. त्यांची केमिस्ट्री चाहत्यांना खूप आवडते. चाहत्यांनी जरी यांना कपल मानले असले तर या जोडीने अजून कोणतीही अधिकृत घोषणा केली नाही आहे. नुकतीच इरिनाने डीपी दादांसोबत भाऊबीज साजरी केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.