Bigg Boss Marathi: 'बिग बॉस मराठी'च्या घरात अभिजीतने केली निक्कीची नक्कल

'बिग बॉस मराठी'च्या घरात आज मालक आणि सांगकामे यांच्यात धमाल टास्क पार पडताना दिसत आहे. दरम्यान आजच्या भागात मालक डीपी दादा सांगकामे अभिजीतला निक्कीची नक्कल करायला सांगणार आहेत. अभिजीतने निक्कीची केलेली नक्कल पाहून घरात एकच हशा पिकणार आहे.

जान्हवी अरबाजला निक्कीविरोधात भडकवते. तिची रिअॅक्शन जान्हवीवर काय असणार आणि अरबाजवर काय असणार? असा प्रसंग डीपी दादा अभिजीतला देतात आणि त्यावर निक्कीची नक्कल करायला लावतात.

दरम्यान निक्कीची नक्कल करत अभिजीत म्हणतो,"बाई... तुला माझ्यावर विश्वास आहे तर तू जातो का तिकडे...असं का करतोस तू?". त्यानंतर निक्की अभिजीतला माझी नक्कल करतोस का? असं विचारते. 'बिग बॉस मराठी'च्या आजच्या भागात डीपी दादा आणि अभिजीत अंकिताबद्दल बोलताना दिसणार आहेत. डीपी दादा म्हणतात,"ती म्हणते अरबाजची गरज का आहे आता?". अभिजीत विचारतो,"पॅडी दादांना तुम्ही पकडलेलं म्हणून".

बिग बॉस मराठीच्या घरामध्ये अनेक ट्विस्ट पाहायला मिळत आहेत. यंदाच्या आठवड्यामध्ये घरातील सर्व सदस्य नॉमिनेट झाले आहे. बिग बॉस मराठीचा ५वा सिझन १०० ऐवजी ७० दिवसांचा असणार आहे अशी अधिकृत घोषणा बिग बॉसकडून करण्यात आली आहे. सध्या बिग बॉसच्या घरामध्ये ८ सदस्य आहेत. त्यामधील बिग बॉस मराठी सिझन ५चा विजेता कोण होणार याबद्दल चाहत्यांमध्ये उत्सुकता निर्माण झाली आहे.