Bigg Boss Marathi 4 Latest Update: टेलिव्हिजन वरील सर्वाधिक चर्चेत असलेला कार्यक्रम म्हणजे 'बिग बॉस'. सध्या बिग बॉस मध्ये दिवसेंदिवस नवनवे ट्विस्ट स्पर्धकांसह प्रेक्षकांना अनुभवता येणार आहे. प्रत्येक आठवड्यात प्रेक्षकांना काही तरी नवीन अनुभवता येत आहे. गेल्या अनेक दिवसांपासून सुरु असलेल्या बिग बॉसमध्ये सतत प्रेक्षकांना राडे, भांडण, स्पर्धकांमध्ये सतत होणारे वाद पाहायला मिळत आहेत.
बिग बॉस मराठीच्या घरात ५० दिवस उलटल्यानंतर आता खेळ सर्वाधिक रंजक होत आहे. या आठवड्यात बिग बॉस मराठीच्या घरातून एक स्पर्धक जरी बाहेर पडला असला तरी एक नाही दोन नाही चार स्पर्धक वाईल्ड कार्डच्या रुपात घरात आले आहेत. त्यांच्या रूपाने बिग बॉस मराठीच्या घरात आधिक वाद विवाद होणार हे नक्की.
या आठवड्यात समृद्धी जाधव घराबाहेर गेली आहे. समृद्धीचा ‘बिग बॉस’च्या घरातील प्रवास या आठवड्यात संपला असून यंदाच्या बिग बॉसच्या पर्वातील पहिली कॅप्टन समृद्धी बनली होती. परंतु, आता खेळातून ती बाहेर पडली आहे.सोबतच यावेळी मांजरेकरांनी अमृता धोंगडे, अक्षय केळकरची कानउघडणी केली असून अपुर्वा नेमळेकर, अमृता देशमुख व तेजस्विनी लोणारीच्या खेळाचे कौतुक केले. तर बाकीच्या स्पर्धकांनाही मांजरेकरांनी कानमंत्र दिला.
कालच्या भागात बिग बॉसच्या घरात एकूण चार स्पर्धकांनी एकत्र एन्ट्री मारली आहे. यांच्या एकत्र एन्ट्रीने घरात चांगले वादळ येणार नक्की. यावेळी बिग बॉस 3 चा विजेता विशाल निकम, मीरा जग्गनाथ, आरोह वेलणकर आणि बॉलिवूड अभिनेत्री राखी सावंत या चार स्पर्धकांनी घरात एन्ट्री मारली आहे.
राखीसोबत विशाल, मीरा आणि आरोह घरात आल्यावर खेळात काय बदल होणार? कोणाला स्पेशल पॉवर मिळणार? हे पाहणे महत्वाचे ठरणार आहे. चार सदस्यांनी एकत्र एन्ट्री केल्यानंतर घरातील समीकरणं किती बदलणार हे पाहणंही औत्सुक्याचे ठरणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.