Bigg Boss 20 : बिग बॉसच्या घराला मिळाला नवा कॅप्टन; कोण असेल निशाण्यावर? सदस्यांची उडणार झोप

'बिग बॉस २०' हा शो दिवसेंदिवस अधिकच मनोरंजक होत जात आहे. आज घरात 'वीकेंड का वार' रंगणार आहे. सलमान खानने स्काउटला चांगलेच फटकारले आहे. शोबद्दल सतत नवनवीन अपडेट्स समोर येत आहेत. जसा शो पुढे सरकत आहे, तशी स्पर्धा अधिकच मनोरंजक होत जात आहे. माही विजनंतर घराला नवीन कॅप्टन भेटला आहे.

नवा कॅप्टन कोण?

'बिग बॉस २०'च्या घरात कॅप्टन्सी टास्क पार पडला. टास्क दरम्यान सदस्यांमध्ये भांडणे, मतभेद पाहायला मिळाले. टास्कदरम्यान, अरिशफा खान, आसिफ, स्काउट आणि कनिका यांच्यासह अनेक स्पर्धकांनी आपली ताकद दाखवली. मात्र, कनिका मानने कॅप्टन्सी जिंकली. माही विजनंतर कनिका मान घराची नवीन कॅप्टन बनली आहे.

आता कनिका मान घरातील सदस्यांसोबत हिशोब चुकता करताना दिसत आहे. कनिका कसे घर चालवणार हे पाहणे मनोरंजक ठरणार आहे. गेल्या आठवड्यात 'वीकेंड का वार' रोहित शेट्टीने होस्ट केला. ज्याला सोशल मीडियावर प्रचंड प्रतिसाद मिळाला. आज पुन्हा भाईजान 'वीकेंड का वार' गाजवताना दिसणार आहे.

कोणते सदस्य झाले नॉमिनेट?

या आठवड्यात सहा सदस्य नॉमिनेट झाले आहेत. यात लव्ह गिल, स्काउट, आसिफ खान, कनिका मान, गुल्लू, आम्रपाली दुबे यांचा समावेश आहे. आता या आठवड्यात 'बिग बॉस २०'च्या घरातून कोण बाहेर जाणार हे पाहणे मनोरंजक ठरणार आहे.

'बिग बॉस २०' च्या घरात आता १२ स्पर्धक ट्रॉफीसाठी स्पर्धा करताना दिसत आहेत. या यादीत आम्रपाली दुबे, आसिफ खान, अरिशफा खान, कनिका मान, लव गिल, माही विज, मनीष गोयल, काझी तौकीर, स्काउटओपी (तन्मय सिंग), उदिती सिंग, युंग डीएसए आणि गुल्लू (कुशाल तन्वर) यांचा समावेश आहे. रोहेद खान, ईशा रिखी, रीती तिवारी, अमन गांधी , नकुल ढुल, मेरी कोम हे सदस्य घरातून बाहेर पडले आहेत.