'Bigg Boss 19'मध्ये शॉकिंग एलिमिनेशन; २ सदस्यांचा पत्ता कट, नीलमसोबत 'हा' स्ट्राँग सदस्य जाणार घराबाहेर

'बिग बॉस 19' चा (Bigg Boss 19) 'वीकेंड का वार' खूपच गाजणार आहे. या आठवड्यात बाहेर जाण्यासाठी पाच सदस्य नॉमिनेट झाले आहेत. यात फरहाना भट्ट, नीलम गिरी , अशनूर कौर, अभिषेक बजाज आणि गौरव खन्ना यांचा समावेश आहे. 'बिग बॉस 19' ची माहिती देणाऱ्या सोशल मिडिया पेज अनुसार या आठवड्यात बिग बॉसच्या घरातून दोन सदस्य बाहेर जाणार आहे. डबल एलिमिनेशन होणार असल्याची माहिती समोर आली आहे.

मीडिया रिपोर्टनुसार, 'बिग बॉस 19' च्या घरातून नीलम गिरीचा पत्ता कट होणार आहे. कमी मते मिळाल्यामुळे नीलम गिरीचा 'बिग बॉस 19' चा प्रवास येथे थांबला आहे. पण त्यासोबत घरातील एक तगडा स्पर्धक देखील बाहेर जाणार आहे. यामुळे प्रेक्षक खूप नाराज असल्याचे बोले जात आहे. नीलमनंतर बिग बॉसच्या घरातून सुरुवातीपासून दमदार गेम खेळणारा अभिषेक बजाज बाहेर पडणार आहे. अभिषेक बजाजच्या एक्झिटमुळे चाहत्यांना मोठा धक्का बसला आहे. मात्र अद्याप एलिमिनेशनबद्दल कोणतीही अधिकृत घोषणा झाली नाही.

'बिग बॉस 19'च्या घरात पुन्हा एकदा सर्वांचा लाडका 'महाराष्ट्रीय भाऊ' प्रणित मोरेचे दमदार एन्ट्री झाली आहे. ज्यामुळे घरातील सदस्य आणि प्रेक्षक खूपच आनंदी असल्याचे पाहायला मिळाले आहे. प्रणित मोरेला डेंग्यू झाल्यामुळे मध्येच शो सोडावा लागला होता. मात्र आता प्रणित मोरे पुन्हा खेळ खेळायला सज्ज झाला आहे. प्रणित मोरे हा स्टँड-अप कॉमेडियन आहे. त्याने आपल्य कॉमेडीने प्रेक्षकांन खळखळून हसवले आहे.

आता 'वीकेंड का वार'मध्ये सलमान खान कोणाची शाळा घेणार? कोणाचे कौतुक करणार हे पाहणे महत्त्वाचे ठरणार आहे. अभिषेक बजाजच्या जाण्यामुळे आता अशनूर कौर घरात एकटी पडणार की ती आपला नवीन गेम प्लान करणार हे पाहणे मनोरंजक ठरणार आहे. सुरूवातीपासून अभिषेक बजाज आणि अशनूर कौर एकत्र खेळताना दिसत आहे. त्यांच्या मैत्रीची चर्चा सोशल मीडियावर चांगलीच रंगली आहे.