Bigg Boss 19 : बिग बॉसने पहिल्याच दिवशी दाखवला घरचा रस्ता, 'या' सदस्याचा पत्ता कट

'बिग बॉस 19' ची (Bigg Boss 19) धमाकेदार सुरुवात झाली आहे. पहिल्याच दिवशी घरात वाद पाहायला देखील मिळाला आहे. बिग बॉसने घरातील सदस्यांना पहिल्याच दिवशी एक टास्क दिला गेला. ज्यात घरातील सर्व सदस्यांना एकत्र येऊन मतदान करून एका सदस्याला बाहेर काढायचे होते. याचा व्हिडीओ 'बिग बॉस 19' ने सोशल मीडियावर शेअर केला आहे. ज्यात घरातील सर्व सदस्य एका मिटींग रुममध्ये बसून एकमेकांशी भांडताना आणि एकमेकांच्या चुका दाखवताना दिसत आहे.

'बिग बॉस 19'ने शेअर केलेल्या व्हिडीओला त्यांनी खास कॅप्शन दिले आहे. त्यांनी लिहिलं की, "बिग बॉस ने घरवालों के हाथ में दिया एक फैसला, किसका चलेगा खेल और कौन होगा घर से बेघर!" यंदा 'बिग बॉस 19' घरात सदस्यांचे सरकार पाहायला मिळत आहे. त्यामुळे घरातील सदस्यच अनेक निर्णय घेत आहेत. असाच घरातील सदस्यांनी मिळून एक सदस्याला घरातून बाहेर काढण्याचा निर्णय घेतला. तो सदस्य कोण? जाणून घेऊयात.

कोण गेले घराबाहेर?

'बिग बॉस 19' च्या घरात पहिले एलिमिनेशन पार पडले असून फरहान भटला (Farhana Bhatt ) बाहेरचा रस्ता दाखवण्यात आला आहे. घरातील सदस्यांनी एकत्र मिळून फरहान भटला घराबाहेर काढण्याचा निर्णय घेतला आहे. आता मात्र बिग बॉसने गेममध्ये मोठा ट्विस्ट आणला आहे. त्यांनी फरहान भटला घराबाहेर न काढता एका सीक्रेट रूमध्ये आणले आहे. जेथे राहून फरहान भट सर्वांवर नजर ठेवू शकते. फरहान भटला घराबाहेर काढताना सदस्य म्हणाले की, ती घरात सर्वात कमी बोलते. तिची इतरांशी संवाद नाही.

'बिग बॉस 19' कुठे पाहता येणार?

सलमान खानचा (Salman Khan) 'बिग बॉस 19' शो आता सोमवार ते रविवार रात्री 9 वाजता जिओ हॉटस्टार आणि रात्री 10:30 वाजता कलर्स टिव्हीवर पाहायला मिळणार आहे. 'बिग बॉस 19'ची यंदाची थीम राजकारणावर आधारित आहे.