Big Boss Marathi 4: चार स्पर्धकांसाठी स्पर्धा सुरु होण्याआधीच संपणार!

मुंबई: 'बिग बॉस मराठी 4' (Big Boss Marathi 4) हा रिऍलिटी शो (Program) 2ऑक्टोबरपासून प्रेक्षांच्या भेटीला आला. पहिल्या दिवसापासूनच घरात वाद सुरु झाले. पाहूया काय सुरु आहे 'बिग बॉस मराठी 4'च्या घरामध्ये. दुसऱ्या एपिसोडची सुरुवात ‘आटली बाटली फुटली’ या नॉमिनेशन टास्कने झाली. ग्रँड प्रीमियरच्या दिवशी इतर घरातील सदस्यांनी मेघा घाडगे, त्रिशूल मराठे, रोहित शिंदे आणि प्रसाद जवादे यांना नॉमिनेट केले होते. नॉमिनेट झालेल्या या चार स्पर्धकांना संधी देत बिग बॉसने ‘आटली बाटली फुटली’ टास्कची सुरूवात केली.

बिग बॉसने या चार स्पर्धकांना त्यांना वगळून कोणत्याही स्पर्धकाला नॉमिनेट करण्यास सांगितले. 'आटली बाटली फुटली' या टास्कला न्याय देण्यासाठी पहिल्या दिवशी नॉमिनेट झालेल्या स्पर्धकांना घरातील इतर स्पर्धकांच्या डोक्यावर काचेची बाटली फोडून नॉमिनेट करायचे होते.

त्रिशूल मराठे, मेघा घाडगे, प्रसाद जवादे आणि रोहित शिंदे यांनी यशश्री मसूरकर, विकास सावंत, अमृता देशमुख, निखिल राजेशिर्के, तेजस्विनी लोणारी आणि योगेश जाधव यांच्या डोक्यात काचेच्या बाटल्या फोडून त्यांना नॉमिनेट केले.

अमृता देशमुख, निखिल राजेशिर्के यांनी नॉमिनेशन अनफेअर असल्याचे सांगितले. त्यांना ज्या स्पर्धकांनी नॉमिनेट केले आहे त्यांनी योग्य कारण सांगितले नाही आणि त्यांचे नॉमिनेशन अन्यायकारक आहे, असे त्यांचे म्हणणे होते. बिग बॉसने नंतर यशश्री मसुरकर, विकास सावंत, अमृता देशमुख, निखिल राजेशिर्के, तेजस्विनी लोणारी आणि योगेश जाधव यांना घर बाहेर जाण्यासाठी नॉमिनेट झालेले स्पर्धक म्हणून घोषित केले.