Praveen Karale Death : 'भैरू पैलवान की जय' चित्रपट दिग्दर्शक प्रवीण कारळे यांचे निधन

Marathi Film Director Praveen Karale Died : चित्रपट दिग्दर्शक प्रवीण कारळे यांचे आज (२३ जून) सकाळी दहा वाजता पुण्यात मंगेशकर हॉस्पिटलात दुःखद निधन झाले. प्रवीण कारळे हे सुप्रसिद्ध नाट्य आणि चित्रपट समीक्षक राजा कारळे यांचे चिरंजीव होते.

वयाच्या अवघ्या चौथ्या वर्षी त्यांनी रंगभूमीवर पदार्पण केले होते. अगदी लहानपणापासूनच त्यांनी चित्रपटसृष्टीतील बारकावे समजून घेतले होते. त्यांचे ‘बोकड’, ‘भैरू पैलवान की जय’, ‘मानसन्मान’, ‘माझी आशिकी’, ‘हृदयात समथिंग समथिंग’ हे चित्रपट गाजले होते. त्यांच्या निधनाने मनोरंजन विश्वावर शोककळा पसरली आहे.