BaalBhaarati Motion Poster: यंत्रांशी करून गट्टी, चाईनस्टाईन देतोय प्रत्येक प्रॉब्लेमला सुट्टी, 'बालभारती'चा पोस्टर चर्चेत

BaalBhaarati Motion Poster Out: 'बालभारती' म्हटल्यावर शाळेतील मराठी विषयाच्या पुस्तकाची आठवण येते. याच आठवणी आणखी वेगळ्या जागवण्यासाठी दिग्दर्शक नितिन नंदन सज्ज झाले आहेत. 'बालभारती' हा धमाल बालविश्व उलगडणाऱ्या चित्रपटात कॉमेडी स्टार सिद्धार्थ जाधव आणि नंदिता पाटकर हे मुख्य भूमिकेत दिसणार आहेत.

शेअर केलेल्या चित्रपटाच्या मोशन पोस्टरमध्ये आईनस्टाईनच्या पात्रात दिसणारा बालकलाकार 'आर्यन मेघंजी' दिसणार आहे. फिरत्या पेंडुलमच्या पार्श्वभूमीत त्यांच्यावर ए, बी, सी, डी लिहिलेले हे गॅझेट घेऊन तो खेळत आहे. 'टॉक इन इंग्लिश'चे हेल्मेट नंदिताने घातले आहे.

अभिजीत लहान आईनस्टाईनची स्तुती करताना दिसतोय. प्रत्येक चित्रपटात कॉमेडी भूमिका करणारा सिद्धार्थ जाधव मजेशीरपणे इंग्रजी ते मराठी शब्दकोश वाचताना दिसत आहे. पोस्टरच्या शेवटी प्रेक्षकांना 'मीट द न्यू चेनस्टाईन'ची ओळख करुन देत आहे.

'बालभारती' चित्रपटाबद्दल बोलताना 'स्फियरओरिजीन्स'चे संस्थापक संजोय वाधवा म्हणतात, या चित्रपटाच्या माध्यमातून प्रतिभावान मराठी चित्रपटसृष्टीत प्रवेश करताना आम्हाला अतिशय आनंद होत आहे. ही एका मराठी कुटुंबाची कथा तर आहेच, पण सोबतच ही मराठी माध्यमाच्या शाळेची कथाही आहे. बदलत्या काळाबरोबर राहण्यासाठी स्वतःमध्ये ही शाळा कसे परिवर्तन घडवून आणण्याचा संकल्प करते, हे बघणे नक्कीच प्रेरणादायी ठरणार आहे. एक सामाजिक संदेश दिला जाणार आहे.