Famous Actor Brother Death : प्रसिद्ध अभिनेत्यावर कोसळला दुःखाचा डोंगर; भावानं विषारी कीटकनाशक पिऊन आयुष्य संपवलं

मनोरंजन विश्वावर शोककळा पसरली. प्रसिद्ध अभिनेत्याच्या भावाचे निधन झाले आहे. कीटकनाशक पिऊन अभिनेत्याच्या भावाने आयुष्य संपवलं आहे. साऊथ प्रसिद्ध अभिनेता राहुल रामकृष्ण याच्या कुटुंबावर दुःखाचा डोंगर कोसळला आहे. राहुलच्या भावने विषारी कीटकनाशक पिऊन आपले आयुष्य संपवलं. भावाच्या निधनाने अभिनेता खचला असून त्याने सोशल मीडियावर एक पोस्ट शेअर केली आहे.

राहुल रामकृष्ण यांची पोस्ट

"माननीय महोदय,

आज पॅराक्वेट (Paraquat) विषबाधेमुळे मी माझ्या भावाला गमावले. हे रसायन अत्यंत जीवघेणे आहे आणि आत्महत्येसाठी याचा मोठ्या प्रमाणावर गैरवापर केला जात आहे. हे रसायन सर्वत्र इतक्या सहजपणे उपलब्ध आहे, हे पाहून मला मोठा धक्का बसला आहे. या विषबाधेच्या रुग्णांची वाढती संख्या पाहून डॉक्टरही हतबल झाले आहेत. कृपया, लवकरात लवकर यावर बंदी घाला आणि लोकांचे प्राण वाचवा." राहुल रामकृष्ण याने या पोस्टच्या माध्यमातून पंतप्रधान नरेंद्र मोदी यांना 'पॅराक्वाट'वर तातडीनं बंदी घालण्याची मागणी केली आहे.

विषारी कीटकनाशक शेतीमध्ये तणनाशक म्हणून वापरले जाते, मात्र माणसांसाठी ते जीवघेणे आहे. या पोस्टनंतर नेटकरी आणि कलाकार मंडळी अभिनेता राहुल रामकृष्ण याला धीर देताना दिसत आहे. मनोरंजन विश्वातील कलाकारांनी राहुल रामकृष्णच्या भावावर श्रद्धांजली वाहिली.

राहुल रामकृष्ण हा साऊथचा प्रसिद्ध अभिनेता आहे. 'अर्जुन रेड्डी' चित्रपटामुळे त्याला खूप लोकप्रियता मिळाली आहे. त्याने 'आरआरआर' चित्रपटामध्ये देखील काम केले आहे. राहुल कायम सामाजिक विषयांवरही आपली स्पष्ट मते मांडताना दिसला आहे.