Shivani Naik : लगीन घटिका समीप आली! 'अप्पी' बांधणार लोकप्रिय अभिनेत्यासोबत लग्नगाठ, पाहा साखरपुड्याचे PHOTOS

मराठी मनोरंजन सृष्टीतून आनंदाची बातमी समोर आली आहे. प्रेक्षकांची लाडकी 'अप्पी' लवकरच लग्न बंधनात अडकणार आहे. नुकताच 'अप्पी'चा थाटामाटात साखरपुडा पार पडला आहे. 'अप्पी आमची कलेक्टर' मधील मुख्य अभिनेत्री शिवानी नाईकने (Shivani Naik) लोकप्रिय अभिनेत्याशी साखरपुडा केला आहे. 'अप्पी'च्या साखरपुड्याचे फोटो आणि व्हिडीओ सोशल मीडियावर व्हायरल होत आहेत.

साखरपुड्याचा लूक

शिवानी आणि अमितने साखरपुड्याला दोन लूक केले होते. साखरपुड्याच्या विधीसाठी शिवानीने लाल रंगाची सुंदर साडी नेसली होती. तर अमितने यावेळी ऑफ व्हाइट रंगाचा सदरा घातला होता. दोघेही पारंपरिक लूकमध्ये खूपच सुंदर दिसत होते. एकमेकांच्या बोटात अंगठी घालताना दोघांनी वेगळा लूक केला होता. 'अप्पी' ने जांभळ्या रंगाची सुंदर नक्षी असलेली साडी नेसली होती. तर अमितने फ्लोअर प्रिंट जॅकेट आणि सदरा परिधान केला होता. त्यांचा साखरपुडा 26 ऑक्टोबरला पार पडला.

'अप्पी'चा होणारा नवरा कोण?

शिवानी नाईकचा नवरा प्रसिद्ध अभिनेता अमित रेखी आहे. अमितने आजवर अनेक मालिकांमध्ये काम केले आहे. 'भाग्य दिले तू मला' या मालिकेतून अमितला खूप लोकप्रियता मिळाली. तसेच त्याने आई आणि बाबा रिटायर होत आहेत, पिंगा गं पोरी पिंगा या मालिकांमध्ये देखील महत्त्वाच्या भूमिका साकारल्या आहेत. शिवानी आणि अमित दोघेही अभिनय क्षेत्राशी जोडलेले आहेत.

साखरपुड्याला शिवानी आणि अमितचे मित्र मंडळी आणि कुटुंब पाहायला मिळाल्या. त्यांच्या नवीन प्रवासासाठी चाहते आणि कलाकार शुभेच्छा देताना दिसत आहेत. चाहते आता दोघांच्या लग्नाची उत्सुकतेने वाट पाहत आहेत.