बहुचर्चित आणि बहुप्रतिक्षित रश्मिका आणि रणबीरच्या ‘ॲनिमल’चा ट्रेलर आज रिलीज झाला आहे. येत्या १ डिसेंबरला चित्रपट थिएटरमध्ये रिलीज होणार आहे. गेल्या अनेक दिवसांपासून चित्रपटातील पात्रांची, टीझरची आणि गाण्यांची जोरदार चर्चा होताना दिसत आहे. सोशल मीडियावर या चित्रपटाचा धमाकेदार ट्रेलर प्रदर्शित झाला असून चाहत्यांमध्ये चित्रपटाबाबत उत्सुकता शिगेला पोहोचली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
ट्रेलर प्रदर्शित होताच सोशल मीडियावर दमदार प्रतिसाद मिळताना दिसत आहे. ट्रेलरमधून प्रेक्षकांना वडील आणि मुलाच्या नात्याची गोष्ट वेगळ्या पद्धतीने ‘ॲनिमल’मधून मांडण्यात आली आहे. चित्रपटामध्ये, अनिल कपूरने रणबीरच्या वडीलांचे पात्र साकारले आहे. अनिल कपूरने चित्रपटामध्ये एका उद्योगपतीचे पात्र साकारले आहे. आणि रणबीरने एका गँगस्टरचे पात्र साकारले आहे. आपल्या वडीलांवर अज्ञातांनी गोळ्या चालवलेल्या असतात. त्याचा बदला ॲनिमल घेताना दिसत आहे. तो बदला कशापद्धतीने घेतो हे आपल्याला चित्रपट पाहिल्यावरच कळेल. (Bollywood)
बॉबी देओल नेमका कोणते पात्र साकातो, हे अजूनही गुलदस्त्यातच आहे. चित्रपटामध्ये चौघांच्याही अभिनयाने प्रेक्षकांचे लक्ष वेधले आहे. ट्रेलरच्या शेवटी रणबीर आणि बॉबी यांच्यातला फायटिंग सीन दाखवण्यात आला आहे. त्यासोबतच रश्मिका- रणबीरमधील वाद सुद्धा ट्रेलरमध्ये दिसतोय. ट्रेलर काही वेळापूर्वीच सोशल मीडियावर रिलीज झाला आहे. ट्रेलरला क्षणार्धातच लाखो व्ह्यूज मिळाले आहेत. अनेकांनी रणबीरचा अभिनय पाहून संजू सारखाच अभिनय केल्याचे बोलत आहे. (Bollywood Film)
चित्रपटाचे दिग्दर्शन संदीप रेड्डी वंगा करीत असून चित्रपटामध्ये मुख्य भूमिकेत रणबीर कपूर, रश्मिका मंदान्ना, अनिल कपूर, बॉबी देओल दिसणार आहेत. चित्रपटामध्ये रणबीर कपूरने ‘ॲनिमल’चे पात्र साकारले आहे.अनिल कपूरने उद्योगपती बलबीर सिंग नावाचे पात्र साकारले आहे.
तर रश्मिका मंदान्नाने चित्रपटामध्ये ‘ॲनिमल’च्या पत्नीचे पात्र साकारत आहे. तिचे गीतांजली असे नाव आहे. तर बॉबी देओलने मुक खलनायकाचे पात्र साकारले आहे. हे चौघेही मुख्य भूमिकेत दिसणार आहेत. येत्या १ डिसेंबरला हा चित्रपट थिएटरमध्ये रिलीज होणार आहे. (Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.