Koffee With Karan 8: ‘प्यार ही दोस्ती है’, अनन्या पांडेने आदित्य रॉय कपूरसोबतच्या अफेअरविषयी सोडलं मौन

Ananya Pandey And Aditya Roy Kapoor Relationship

अनन्या पांडे आणि आदित्य रॉय कपूर यांच्या रिलेशनची कायमच सोशल मीडियावर चर्चा होते. अनेकदा त्यांना पापाराझींनी एकत्र स्पॉट झालेले आहेत. पण तरीही त्यांनी त्यांच्या नात्याची जाहीरपणे कबुली दिलेली नाही.

सध्या सोशल मीडियावर अनन्या पांडेची जोरदार चर्चा होत आहे. नुकतंच तिने करण जोहरच्या ‘कॉफी विथ करण’ या शोमध्ये हजेरी लावली होती. यावेळी करणने त्याच्या खास शैलीमध्ये अनन्याला तिच्या आणि आदित्यच्या रिलेशनशिप स्टेटसबद्दल विचारलं. यावेळी तिने आदित्यसोबतच्या रिलेशनवर भाष्य केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कॉफी विथ करणच्या या लेटेस्ट एपिसोडमध्ये, अनन्या पांडे आणि सारा अली खानने एकत्रित हजेरी लावली होती. कॉफी विथ करणच्या लेटेस्ट एपिसोडमध्ये करण जोहरने अनन्या पांडेला, आपल्या नात्याला नाकारणे हे आधीच्या सीझनसारखं नाही का? असा प्रश्न विचारला.

त्या प्रश्नावर तिने उत्तर दिले की, "आपल्या रिलेशनशिपला नाकारायला हवं किंवा स्विकारायला हवं, याबद्दल मी भाष्य करणार नाही. ज्या गोष्टी करताना आपल्याला योग्य वाटते, तेच आपण करावे. मला वाटतं, काही गोष्टी खासगी आहेत आणि त्या तशाच ठेवायला पाहिजेत." (Bollywood)

नंतर करण जोहरने पुन्हा एकदा वेगळ्या पद्धतीने प्रश्न विचारला आहे, मग तू आदित्य कपूरसोबत फ्रेंड झोनमध्ये आहेस का?, की यापेक्षा काही जास्त आहे? करणच्या या प्रश्नावर, अनन्याने खूप सुंदर उत्तर देण्याचा प्रयत्न केला आहे. 'मित्र नाही, पण खूप चांगले मित्र आहोत...' पुन्हा एकदा करणने अनन्याला वेगळ्या पद्धतीने प्रश्न विचारण्याचा प्रयत्न केला. "प्यार ही दोस्ती है" असं करण म्हटल्यावर अनन्या लाजून चुर झाली होती. करणच्या प्रश्नावर उत्तर देताना अनन्या म्हणाली की, "आम्ही फक्त बेस्ट फ्रेंड्स आहोत". (Social Media)

अनन्या पांडे आणि आदित्य रॉय कपूर यांच्यातील डेटिंगच्या चर्चा ‘कॉफी विथ करण’च्या गेल्या सीझनपासून होत आहे. या जोडीचे सोशल मीडियावर ट्रीप दरम्यानचे, कॅमेऱ्यात स्पॉट झालेले फोटो आणि व्हिडीओ अनेकदा व्हायरल झाल्या आहेत. अनन्या आणि आदित्य यांच्यामध्ये जवळपास १३ वर्षांचा फरक आहे. आदित्य ३६ वर्षांचा तर अनन्या केवळ २३ वर्षांची आहे. दोघांच्याही कामाबद्दल सांगायचे तर, अनन्या ‘खो गये हम कहाँ’ या चित्रपटामध्ये दिसणार आहे, तर आदित्य सारा अली खानसोबत ‘मेट्रो इन दिन’ मध्ये दिसणार आहे. (Entertainment News)