Anand Mahindra-Ram Charan Dance Video: सोशल मीडियावर सध्या एका व्हिडिओ व्हायरल होत आहे. या व्हिडिओमध्ये उद्योगपती आनंद महिंद्रा आणि राम चरण एकत्र डान्स करताना दिसत आहेत. हा व्हिडिओ आनंद महिंद्रा यांनी स्वतः त्याच्या सोशल मीडियावर शेअर केला आहे.
उद्योगपती आनंद महिंद्रा सोशल मीडिया खूप सक्रिय आहेत. नेहमीचे ते वेगळं काहीतरी त्यांच्या सोशल मीडियावर पोस्ट करत असतात. यावेळी त्यांनी राम चरणसोबत 'नाटु नाटु' गाण्यावरील डान्स व्हिडिओ शेअर केला आहे.
हैद्राबादमध्ये एबीबी एफआयए फॉर्मुला ई वर्ल्ड चॅम्पियनशिपला आनंद महिंद्रा त्याच्या कारसह उपस्थित होते. शुक्रवारी आनंद महिंद्रा यांनी त्यांच्या जेन ३ फार्मुला ई रेस कार लाँच केल्या. यावेळी त्यांची भेट राम चरणशी झाली.
या संधी फायदा घेत आनंद महिंद्रा यांनी राम चरणकडून 'आरआरआर' चित्रपटातील 'नाटु नाटु' गाण्याच्या काही स्टेप शिकून घेतल्या. त्याचाच व्हिडिओ आनंद महिंद्रा यांनी पोस्ट केला आहे. त्यांनी हा व्हिडिओ पोस्ट करत म्हटले आहे, 'कार रेसव्यतिरिक्त, #HyderabadEPrix मध्ये एक खरा बोनस @AlwaysRamCharanकडून #NaatuNaatu गाण्यावरील बेसिक स्टेप शिकता आल्या. धन्यवाद आणि ऑस्करसाठी शुभेच्छा, माझ्या मित्रा!'
राम चरणने देखील त्यांच्या या पोस्टवर कमेंट केली आहे. '@anandmahindra जी तुम्ही माझ्यापेक्षा लवकर या स्टेप शिकलात... तुमच्यासोबत एक अतिशय गंमतीशीर संवाद झाला. @RRRMovie टीमकडून तुमच्या शुभेच्छांबद्दल धन्यवाद.' असे ट्विट राम चरणने केले आहे.
एसएस राजामौली यांच्या आरआरआर चित्रपटातील 'नाटु नाटु' या व्हायरल गाण्याला ऑस्करसाठी नामांकन मिळाले आहे. या गाण्याला सर्वोत्कृष्ट मूळ गाण्याच्या श्रेणीत स्थान मिळाले आहे. आनंद महिंद्रा यांनी आपल्या ट्विटमध्ये या गाण्यासाठी नामांकन मिळाल्याबद्दल अभिनंदन केले आहे. तसेच डान्स करून आनंद व्यक्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
