Alka Kubal: ‘चर्चा रंगणार बातमी गाजणार’, तीन दशकानंतर ‘माहेरची साडी’चा सिक्वेल येणार?

तीन दशकानंतर ‘माहेरची साडी’चा सिक्वेल येणार असल्याची सर्वत्र चर्चा रंगत आहे. मुख्य भूमिकेत असणाऱ्या अलका कुबल यांनी चित्रपटाच्या सिक्वेल बद्दल सांगितले.
Maherchi Saadi Sequel
Maherchi Saadi Sequel Saam Tv

Alka Kubal Maherchi Saadi 2 Film: मराठी चित्रपटसृष्टीतील अनेक चित्रपट आजही प्रेक्षकांच्या मनात घर करुन आहेत. ९०च्या दशकात गाजलेल्या आणि अजरामर चित्रपटांमध्ये अलका कुबल यांचा ‘माहेरची साडी’ हा चित्रपट फारच गाजला होता. चित्रपट प्रदर्शित होऊन तब्बल आज ३० वर्ष उलटले असले तरी प्रेक्षकांच्या ओठांवर या चित्रपटाचं नाव आहे.

तीन दशकानंतर ‘माहेरची साडी’चा सिक्वेल येणार असल्याची सर्वत्र चर्चा रंगत आहे. मुख्य भूमिकेत असणाऱ्या अलका कुबल यांनी चित्रपटाच्या सिक्वेल बद्दल सांगितले.

Maherchi Saadi Sequel
Malaika Arora: मलायका अर्जुनसोबत एन्जॉय करतेय प्री-हनिमून; ‘प्रत्येक गोष्टीचा शेवट लग्न नसतो’ म्हणत स्पष्ट केलं मत

या चित्रपटाबद्दल आजही प्रेक्षकांच्या सोशिक सून, खाष्ट सासू, लेकीवर नाराज असणारे वडील आणि वडिलांप्रमाणे जीव लावणारा भाऊ या भूमिका मनात घर करुन निर्माण करुन आहे. या चित्रपटात मुख्य भूमिकेत मराठी सिनेसृष्टीतील दिग्गज कलाकार असल्याने त्यांनी हा चित्रपट चांगलाच गाजवला.

आजही या चित्रपटातील सर्वच कलाकारांना ‘माहेरची साडी’ चित्रपटातील भूमिकेमुळे ओळखले जातात. एकंदरितच या चित्रपटाचा महाराष्ट्रात एक मोठा चाहतावर्ग आहे. दरम्यान अलीकडेच ‘झी चित्र गौरव २०२३’ या सोहळ्यात अभिनेत्री अलका कुबल यांनी हजेरी लावली होती. यावेळी त्यांना'माहेरची साडी'च्या दुसऱ्या भागाविषयी प्रश्न विचारण्यात आला होता.

Maherchi Saadi Sequel
Natu Natu Song: आरारारा खतरनाक! ‘RRR’चं समोर आलं खास कोल्हापूर कनेक्शन

सोशल मीडिया एन्फ्लुएंसर अंकिता वालावकरने अलका कुबल यांना काही प्रश्न विचारले. ‘चर्चा रंगणार बातमी गाजणार’ या टॅगलाइन अंतर्गत यंदाचा झी चित्र गौरव पुरस्कार सोहळा पार पडत आहे.

अंकिताने अलका यांना पुरस्कार सोहळ्यात प्रश्न विचारला, “ ‘माहेरची साडी’ या चित्रपटाचा सिक्वल अर्थात दुसरा भाग येणार असून त्यात अलका कुबल सुनेचा छळ करताना दिसणार असल्याची माहिती आम्हाला समजली आहे.

तर याबद्दल तुमचे काय मत आहे?” अंकिताने हा प्रश्न मराठीत विचारला नसून मालवणी भाषेत प्रश्न विचारला होता. यावर अलका कुबल यांनी हे उत्तर मालवणीतच दिले.

यावर अलका कुबल म्हणतात, “ ‘माहेरची साडी’ या चित्रपटाचा सिक्वल अर्थात दुसरा भाग येणार असल्याचं माहिती नाही. खरं तर ही बातमी मी काल वाचली पण, अद्याप याची खरंच माहिती नाही.”

पुढे अंकिता अलका यांना प्रश्न विचारते, ‘जर चित्रपटाच्या दुसऱ्या भागाची घोषणा झाली तर, मला तुम्ही माहेरची साडी देणार का?’ तर अलका कुबल तिला ‘हो’ असं म्हणाल्या आहेत.

अलका कुबल, उषा नाडकर्णी, अजिंक्य देव, रमेश भाटकर, विजय चव्हाण, विक्रम गोखले इ. तगड्या कलाकारांची स्टारकास्ट या चित्रपटात आपल्याला पाहायला मिळाली. विजय कोंडके दिग्दर्शित या चित्रपटाने बॉक्स ऑफिसवर चांगलाच धुमाकूळ घातला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com