विनोद पाटील, साम टीव्ही प्रतिनिधी
ठाकरेंच्या राजकारणातल्या पिढी तुम्ही पाहिल्या आहेत. मात्र आता ठाकरेंची चौथी पिढी लवकरच बॉलिवूडच्या पडद्यावर झळकणार आहे. कोण आहे हा ठाकरे? तो कसा आहे? सध्या तो काय करतोय? यावरचा हा रिपोर्ट.
ठाकरे कुटुंब म्हटलं की आपल्या डोळ्यासमोर राजकारणाशिवाय दुसरं काही येत नाही. बाळासाहेब ठाकरेंचा राजकीय वारसा उद्धव ठाकरेंनंतर तिस-या पिढीत आता आदित्य ठाकरे चालवताय. तर तिकडे राज ठाकरेंनंतर आता त्यांचा मुलगा अमित ठाकरेंनीही सक्रीय राजकारणात एण्ट्री केलीय. मात्र आता ठाकरेंची तिसरी पिढी बॉलिवूडच्या पडद्यावर झळकणार आहे. तुम्हाला हे ऐकून नक्कीच धक्का बसला असेल. आणि तुमच्या मनात उत्सुकताही निर्माण झाली असेल की हा कोणता ठाकरे. हा आहे पिळदार शरीर यष्टीचा हॅण्डसम बॉय ऐश्वर्य ठाकरे. ऐश्वर्य हा उद्धव ठाकरेंचा लहान भाऊ जयदेव ठाकरे आणि स्मिता ठाकरे यांचा मुलगा ऐश्वर्य हा सध्या फिल्म इंडस्ट्रीमध्ये वेगवेगळ्या गोष्टी शिकतोय. तो नेमका काय करतो ते पाहूयात.
ऐश्वर्य ठाकरे हा उद्धव ठाकरेंचे लहान भाऊ जयदेव आणि स्मिता ठाकरेंचे मुलगा आहे. ऐश्वर्य ठाकरे 5 वर्षापासून चित्रपटांच्या सेटवर काम करतोय. असिस्टंट डायरेक्टर म्हणूनही काम केलंय. तसंच तो जबरदस्त डान्सर आहेत. त्याचा फिटनेसही जबरदस्त आहे. इंस्टाग्रामवर त्याचे जोरदार फोटोशूट पहायला मिळतात. ऐश्वर्य हा सोशल मीडियावर चांगलाच अॅक्टीव्ह असतो.
तसं पाहिलं तर ठाकरेंची ही काही पहिलीच पिढी पडद्यावर काम करत नाहीय. एश्वर्यचे पणजोबा प्रबोधनकार ठाकरेंनी श्यामची आई चित्रपटात भूमिका केली होती. तर ऐश्वर्यची आई स्मिता ठाकरे यांनी अनेक चित्रपटांची निर्मिती केलीय. आता ऐश्वर्य कधी सिल्व्हर स्क्रीनवर झळकतो याचीच उत्स्कुता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.