Aishwarya Rai: बॉलिवूड अभिनेत्री ऐश्वर्या रायची उच्च न्यायालयात धाव, नेमकं प्रकरण काय?

Aishwarya Rai: प्रसिद्ध हिंदी चित्रपट अभिनेत्री विश्व सुंदरी ऐश्वर्या राय बच्चन बऱ्याच काळापासून मोठ्या पडद्यापासून दूर आहे. बच्चन कुटुंबाची सून तिच्या मुलीच्या संगोपनाकडे पूर्ण लक्ष देत आहे. दरम्यान, ऐश्वर्याने मंगळवारी दिल्ली उच्च न्यायालयात तिच्या व्यक्तिमत्त्वाच्या हक्कांचे रक्षण करावे आणि काही लोकांना तिचे नाव, फोटो आणि एआय जनरेटेड पोर्नोग्राफिक कंटेंट वापरण्यापासून रोखावे अशी विनंती केली आहे.

ऐश्वर्या म्हणते की तिच्या परवानगीशिवाय तिचे फोटो व्यावसायिक फायद्यासाठी वापरले जात आहेत. अभिनेत्रीने न्यायालयाकडे तिच्या वैयक्तिक अधिकारांचे संरक्षण करण्याची मागणी केली आहे. ऐश्वर्या तिच्या अर्जात म्हटले की, 'एआयचा वापर करुन, मग आणि इतर वस्तू विकण्यात येतात. तसेच, स्क्रीनशॉटमधील चित्रांमध्ये छेडछाड करुन त्याता गैर वापर केला जातो

एआय जनरेटेड फोटोंच्या माध्यमातून पैसे कमवणे

ऐश्वर्या राय यांच्या वतीने उपस्थित असलेले वरिष्ठ वकील संदीप सेठी म्हणाले की, अभिनेत्री तिच्या प्रसिद्धी आणि वैयक्तिक अधिकारांची अंमलबजावणी करू इच्छिते आणि काही आक्षेपाहार्य फोटो चित्रे इंटरनेटवर प्रसारित केली जात त्यावर रोख लावण्याचा हा प्रयत्न आहे असा युक्तिवाद केला. संदीप सेठी म्हणाले, लोक फक्त तिचे नाव आणि चेहरा चुकीच्या पद्धतीने वापरून पैसे कमवत आहेत.

वकिलाने असा युक्तिवाद केला की तिचे मॉर्फ केलेले फोटो काही पोर्नोग्राफिक प्लॅटफॉर्मवर वापरले जात आहेत. हे प्लॅटफॉर्म लैंगिक दृश्यांमध्ये तिच्या नावाचा आणि फोटोंचा गैरवापर करून पैसे कमवत आहेत. वकिलांचा युक्तीवाद ऐकल्यानंतर न्यायमूर्ती तेजस कारिया यांच्या एकलपीठाने ७ नोव्हेंबर रोजी संयुक्त रजिस्ट्रारसमोर आणि १५ जानेवारी २०२६ रोजी न्यायालयासमोर पुढील कार्यवाही करण्यात येणार असल्याचे म्हटले आहे.