Swara Bhasker Marriage : अभिनेत्री स्वरा भास्करने फहाद अहमदसोबत बांधली लगीनगाठ, पाहा लग्नाचा फोटो

Swara Bhaskar Married : अभिनेत्री स्वरा भास्कर गेल्या काही दिवसांपासून तिच्या रिलेशनशिपबद्दल चर्चेत होती. आता स्वराने सर्वानाच एक सुखद धक्का दिला आहे. समाजवादी पक्षाचा नेता फहाद अहमदसोबत लग्न केल्याची माहिती स्वराने सोशल मीडियावर दिली आहे. दोघांनी कोर्ट मॅरेज केलं आहे.

याबाबत माहिती देताना स्वरा भास्करने फहादसाठी एक खास नोटही शेअर केली आहे.स्वराने तिच्या इंस्टाग्राम हँडलवर 2 मिनिटे आणि 4 सेकंदांचा एक व्हिडिओ शेअर केला आहे, ज्याद्वारे तिने सांगितले की या दोघांनी एकत्र अनेक चळवळींमध्ये आवाज कसा उठवला आणि त्यांचे नाते हळूहळू कसे बदलले आणि आज या टप्प्यावर येऊन पोहोचले. (Bollywood News)

स्वराने एक पोस्ट शेअर करत फहादसोबतची तिची भेट आणि प्रेमकहाणी याबद्दल बरेच काही सांगितलं आहे. 2019 मध्ये एका आंदोलनादरम्यान दोघे पहिल्यांदा भेटले होते. यानंतर त्यांच्यातील संवाद वाढला.

तर फहादने स्वराला त्याच्या बहिणीच्या लग्नात बोलावले होते, मात्र शूटिंगमध्ये व्यस्त असल्यामुळे स्वरा या लग्नाला उपस्थित राहू शकली नाही, मात्र तिने फहादच्या लग्नाला नक्की हजर राहण्याचे आश्वासन दिले होते. तेव्हा कोणास ठाऊक होते की एके दिवशी तोच फहाद तिचा जीवनसाथी बनेल.