अभिनेत्री सई ताम्हणकर नेहमीच आपल्या फॅशनकरीता चाहत्यांमध्ये प्रसिद्ध आहे. मराठीसह बॉलिवूडमध्ये आपल्या फॅशन करीता आणि उत्तम अभिनयाकरीता प्रसिध्द असलेल्या सईने एका कार्यक्रमात हजेरी लावली आहे. झी मराठीवरील ‘खुपते तिथे गुप्ते’मध्ये अभिनेत्रीने हजेरी लावणार आहे. सईचे मराठी सिनेसृष्टीत अनेक मित्र मंडळी आहेत. त्यातीलच तिची एक मैत्रीण म्हणजे, सोनाली कुलकर्णी... सईने ‘खुपते तिथे गुप्ते’ मध्ये दिलेल्या मुलाखतीत तिने एकदा सोनाली कुलकर्णीला उपाशी ठेवल्याचं कबूल केलंय.
अवधूत गुप्ते होस्ट करत असलेला ‘खुपते तिथे गुप्ते’ मध्ये आतापर्यंत राज्यातील अनेक महत्त्वाच्या राजकीय नेत्यांनी हजेरी लावली आहे. येत्या रविवारच्या एपिसोडमध्ये सई ताम्हणकरने हजेरी लावली आहे. सध्या सईच्या आगामी एपिसोडचा टीझर सोशल मीडियावर तुफान व्हायरल होत आहे. या व्हायरल व्हिडीओत सईने कार्यक्रमात पाहुणी कलाकार म्हणून उपस्थिती लावली असून तिने त्या व्हिडीओत सोनाली कुलकर्णीला आणि तिच्या पतीला का उपाशी ठेवलं? याचं कारण सांगितलं.
यावेळी कार्यक्रमात अवधूतच्या सर्वच प्रश्नांवर सईने दिलखुलास, बिनधास्त आणि बेधडक उत्तर दिले आहेत. मुलाखती दरम्यान अवधुतने सईला “तू लोकांना घरी जेवायला बोलवते आणि तासंतास उपाशी ठेवतेस हे खरं आहे का?” असा प्रश्न विचारला.
यावर सई म्हणते, “मी सोनाली कुलकर्णी आणि तिचा पती कुणाल बेनोडेकरचं लग्न झाल्यावर मी त्यांना माझ्या घरी जेवायला बोलावलं होतं. आम्ही त्यावेळी माझ्या घरी खूप टाईमपास करत होतो, धम्माल मस्ती करत मॅच बघत होतो. आमचा बोलण्यामध्ये आणि टाईमपास करण्यामध्ये इतका वेळ गेला, त्यात आम्ही इतके गुंतलो की, त्यांना दुपारचं जेवण नं देता, डायरेक्ट रात्रीचंच जेवण दिलं. मी त्यांच्यासाठी दुपारचे जेवण बनवणार होते पण आम्ही जास्त टाईमपास केल्यामुळे तो डिनर झाला.”
सईचं हे मिश्किल उत्तर ऐकून अनेकांना हसू आवरत नसून सर्वांनाच या एपिसोडची उत्सुकता शिगेला पोहोचली आहे. सई या आगामी भागात कोण कोणते किस्से उलगडणार हे पाहणे औत्सुक्याचे ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.