Athiya Shetty Birthday: कॉमन फ्रेंडमुळे भेट मग मैत्री नंतर लग्न; अथिया आणि के. एल राहुलचं जुळलं कसं, लव्हस्टोरी वाचा

बॉलिवूड अभिनेत्री अथिया शेट्टी आज तिचा 32 वा वाढदिवस साजरा करत आहे. २०१५ मध्ये सूरज पांचोलीसोबत 'हिरो' या चित्रपटातून तिने करिअरची सुरुवात केली. ‘हीरो’ची निर्मिती अभिनेता सलमान खानने केली असली तरी'हीरो' बॉक्स ऑफिसवर चांगलाच आपटला. अभिनयासह अथिया तिच्या वैयक्तिक आयुष्यामुळे कायमच चर्चेत राहिली.

२३ जानेवारी २०२३ मध्ये अथिया शेट्टी लग्नबंधनात अडकले. लग्नापूर्वी दोघेही गेल्या तीन वर्षापासून एकमेकांसोबत रिलेशनशीपमध्ये होते. दोघांनीही काही दिवस त्याचं नात गुपित ठेवले होतं. मात्रा अनेकदा त्यांना एकत्र स्पॉट करण्यात आले. राहुल आणि अथिया शेट्टीची लव्हस्टोरी खूप खास आहे.

२०१९ मध्ये अथिया आणि राहुलची ओळख त्याच्या एका कॉमन फ्रेंडमुळे झाली. पहिल्या भेटीत दोघेही एकमेकांशी बोलू लागले. त्यानंतर भेटणं सुरू झाल्या. हळूहळू यांच्यात मैत्री झाली. आणि मैत्रीचे रूपांतर प्रेमात झाले. याचदरम्यान दोघेही त्यांच्या मित्रांसह थायलंडमध्ये नवीन वर्ष साजरे करण्यासाठी गेले होते हे फोटो देखील व्हायरल झाले होते.

सोशल मीडियावर पहिल्यांदा दोघांनीही एकमेकांच्या वाढदिवशी शुभेच्छा दिल्या तेव्हा या दोघांचे नाते स्पष्ट झाले. त्यांच्या रिलेशनशीपची चर्चा सुरू झाली. दरम्यान २०२१ मध्ये राहुल कसोटी सामना खेळण्यासाठी इंग्लंडला पोहोचला तेव्हा अथियाही त्याच्यासोबत होती. दोघांच्या फोटोंनी सोशल मीडियावर चर्चा सुरू झाली होती.