Sumeet Raghavan Birthday: मराठीसह हिंदी सिनेसृष्टी गाजवणाऱ्या सुमित राघवनबद्दल ‘या’ गोष्टी माहितीयेत का?

Sumeet Raghavan Birthday

हिंदी, मराठी अशा दोन्ही भाषांमध्ये आपल्या अभिनयाने प्रेक्षकांचे मनोरंजन करणारा सुमीत राघवनचा (Sumeet Raghavan) आज (२२ एप्रिल) वाढदिवस आहे. अभिनेता आज आपल्या परिवारासोबत ५३ वा वाढदिवस साजरा करीत आहे. सुमीत राघवन दक्षिण भारतीय कुटुंबातून तो येतो. पण असं असलं तरीही त्याची मराठी भाषेवर उत्तम पकड आहे. सुमीतचे बाबा तामिळ, तर आई कानडी असली तरीही मराठी सिनेसृष्टीमध्ये त्याच्या अभिनयाची खास चर्चा होते. आपल्या दमदार अभिनयाच्या जोरावर सुमीतने चित्रपट विश्वचं नाही तर, मालिका आणि नाट्यक्षेत्रही गाजवले आहे. (Actor)

२२ एप्रिल १९७१ रोजी मुंबईमध्ये सुमीत राघवनचा जन्म झालेला आहे. तामिळ कुटुंबात जन्मलेल्या सुमीतला सुरुवातीपासूनच अभिनयाची आवड होती. १९८७ मध्ये प्रदर्शित झालेल्या 'फास्टर फेणे' या मालिकेच्या माध्यमातून त्याने आपल्या करिअरची सुरुवात केली. पण असं असलं तरीही, बीआर चोप्रा दिग्दर्शित 'महाभारत' या पौराणिक मालिकेतून सुमीतला फार लहान वयात प्रसिद्धी दिली. त्या मालिकेत सुमीतने भगवान कृष्णाचा सर्वात चांगला मित्र सुदामा याची भूमिका त्याने साकारली होती. त्यासोबतच 'साराभाई व्हर्सेस साराभाई' या मालिकेनेही अभिनेत्याला प्रसिद्धी दिली. (Television Actor)

सुमीतला बालपणापासूनच गायनाची आवड होती. अभिनयासोबतच सुमीत गाणी आणि गझलांमध्येही त्याने प्रसिद्धी मिळवली. त्यासोबतच सुमीत डबिंग क्षेत्रातही माहीर आहे. मराठी चित्रपट, हिंदी चित्रपट, मालिका आणि रिॲलिटीशोमधून प्रेक्षकांचे तुफान मनोरंजन केले. सुमीतने ‘ब्ल्यू स्ट्रीक’, ‘शांघाई नून’, ‘रश हवर’, ‘हॅरी पॉटर अँड द चेंबर ऑफ सिक्रेट्स’, ‘शांघाई नाईट्स’ या हॉलिवूड चित्रपटातील पात्रांना आपला आवाज दिला आहे. (Entertainment News)