Sitaare Zameen Par : तारीख ठरली! आमिर खानचा 'सितारे जमीन पर' युट्यूबवर, किती रुपयांत पाहता येणार?

बॉलिवूड अभिनेता आमिर खान (Aamir Khan) कायम कोणत्या ना कोणत्या कारणामुळे चर्चेत असतो. अलिकडेच त्याचा 'सितारे जमीन पर' (Sitaare Zameen Par) चित्रपट रिलीज झाला आहे. या चित्रपटाने बॉक्स ऑफिसवर खूप कमाई केली आहे. आता आमिर खानच्या चाहत्यांसाठी आनंदाची बातमी समोर आली आहे. 'सितारे जमीन पर' आता तुम्हाला लवकरच घरबसल्या पाहाता येणार आहे. आमिर खानने घेतलेल्या मोठ्या निर्णयानुसार 'सितारे जमीन पर' ओटीटीवर रिलीज होणार नसून तो युट्यूबवर पाहता येणार आहे.

'सितारे जमीन पर' युट्यूब रिलीज डेट

'सितारे जमीन पर'च्या युट्यूब रिलीजचे अपडेट समोर आले आहेत. आमिर खानचा 'सितारे जमीन पर' चित्रपट यूट्यूब मूव्हीज ऑन डिमांडवर प्रदर्शित करण्याचा निर्णय चाहत्यांना खूप आवडला. चित्रपट कोणत्याही इतर डिजिटल प्लॅटफॉर्मवर प्रदर्शित होणार नाही. मीडिया रिपोर्टनुसार, 'सितारे जमीन पर' चित्रपट 1 ऑगस्टपासून युट्यूबवर पाहता येणार आहे. फक्त 100 रुपये याचे शुल्क असणार आहे. तसेच इतर 38 देशांमध्ये त्यांच्या स्थानिक किंमतीसह चित्रपट पाहता येणार आहे. उदा. अमेरिका, कॅनडा, ऑस्ट्रेलिया, जर्मनी

'सितारे जमीन पर' कलेक्शन

'सितारे जमीन पर' चित्रपटात आमिर खान मुख्य भूमिकेत पाहायला मिळत आहे. 'सितारे जमीन पर'हा चित्रपट 20 जूनला रिलीज झाला आहे. हा चित्रपट शिक्षक आणि मुलांच्या नात्यावर आधारित आहे. चित्रपटात आमिर खान एका बास्केटबॉल कोचच्या भूमिकेत दिसत आहे.'सितारे जमीन पर'मध्ये आमिर खानसोबत जिनिलिया देखील झळकली आहे. सितारे जमीन पर' हा चित्रपट 2007 साली रिलीज झालेल्या 'तारे जमीन पर' चित्रपटाचा सीक्वल आहे.'सितारे जमीन पर' चित्रपटाने जगभरात 250 कोटींहून अधिक कमाई केली आहे.

'सितारे जमीन पर' स्टारकास्ट

'सितारे जमीन पर' चित्रपटात 10 नवीन कलाकार पाहायला मिळत आहेत. यात अरूष दत्ता, गोपी कृष्ण वर्मा, संवित देसाई, वेदांत शर्मा, आयुष भंसाली, आशीष पेंडसे, ऋषी शहानी, ऋषभ जैन, नमन मिश्रा आणि सिमरन मंगेशकर यांचा समावेश आहे. प्रेक्षकांकडून चित्रपटासाठी चांगला प्रतिसाद येत आहे.