Shocking : धक्कादायक! दारुच्या नशेत ५ जणांचा घरात घुसून महिलेवर सामूहिक अत्याचार

बेंगळुरुच्या ग्रामीण भागातील गंगोदनहल्ली गावातून धक्दादायक प्रकार उघडकीस आला आहे. गावात नराधमांनी दारुच्या नशेत घरात घुसून महिलेवर सामूहिक अत्याचार केल्याची घटना घडली. या तरुणांनी बुधवारी रात्री ९.३० वाजेपासून १२.१५ वाजेपर्यंत महिलेवर अत्याचार केला. या घटनेने संपूर्ण गावात खबळ उडाली आहे.

मिळालेल्या माहितीनुसार, आरोपी दारुच्या नशेत होते. त्यांनी महिलेच्या घराचा दरवाजा ठोठावला. त्यानंतर महिलेने दरवाजा उघडल्यानंतर बळजबरीने घरात घुसले. त्यांनी एका खोलीत नेऊन आरोपींनी आळीपाळीने अत्याचार केला.

पीडित महिला मूळची कोलकाता येथील आहे. ती बेंगळुरूत भाड्याच्या घरात राहत होती. अत्याचाराची घटना घडल्यानंतर महिलेने तातडीने मदनायकनहल्ली पोलीस स्टेशनला धाव घेत तक्रार दाखल केली. पोलिसांनी तक्रार नोंदवून पुढील तपास सुरु केला आहे.

पोलिसांच्या माहितीनुसार, आरोपींनी अत्याचारानंतर महिलेचे दोन मोबाइल आणि रोख २५००० रुपये लुटले. या घटनेची माहिती मिळताच पोलिसांनी घटनास्थळी धाव घेतली. तर पोलिसांनी पीडित महिलेला वैद्यकीय तपासणीसाठी पाठवलं आहे.

पोलीस अधिकाऱ्यांनी सांगितलं की, पोलिसांनी तीन आरोपींना अटक केली आहे. तर दोघे फरार आहेत. आरोपींना अटक करण्यासाठी पोलिसांनी विशेष पथक तयार केलं आहे. पोलिसांची शोधमोहीम सुरु आहे. पोलिसांनी सांगितलं की, अटक केलेल्या आरोपींची चौकशी सुरु आहे. या आरोपींनी महिलेली भीती दाखवून अत्याचार केल्याचं चौकशीतून समोर आलं आहे.

परभणीतही सहा जणांकडून तरुणीवर अत्याचार

महाराष्ट्रातील परभणीच्या जिंतूर तालुक्यात काही दिवसांपूर्वी धक्कादायक घटना घडली. एका तरुणीवर ६ जणांनी सामूहिक अत्याचार केला. जंगलात फिरायला आलेल्या जोडप्याला ६ जणांनी घेरलं. त्यानंतर या ६ जणींनी अत्याचार केला. त्यांचा व्हिडिओ बनवून त्यांच्याजवळील ५ हजार रुपयेही हिसकावून घेतले. या प्रकरणी जिंतूर पोलीस ठाण्यात गुन्हा नोंदवलाय. पोलिसांनी आरोपींनाही अटक केली आहे.