छत्तीसगडमधील आदिवासी लोकसंख्या असलेल्या सुकमा जिल्ह्यातील एका गावात ५ जणांची हत्या करण्यात आल्याची घटना समोर आलीय. जादूटोणा करत असल्याच्या संशयावरून एका महिलेसह दोन जोडप्यांना बेदम मारहाण करत त्यांची हत्या करण्यात आली. या हत्याकांडप्रकरणी एकाच गावातील पाच जणांना ताब्यात घेण्यात आले असून त्यांची चौकशी सुरू असल्याची माहिती पोलिसांनी दिलीय.
पोलिसांनी सांगितले की, ही घटना कोंटा पोलीस स्टेशनच्या परिसरातील एकतल गावात झालीय. मौसम कन्ना, त्यांची पत्नी मौसम बिरी, मौसम बुच्चा आणि त्यांची पत्नी मौसम आरजू , आणि लच्छी, अशी हत्या झालेल्या व्यक्तींची नावे आहेत. दरम्यान पोलिसांना या हत्या कांडाची माहिती मिळताच वरिष्ठ अधिकारी घटनास्थळी पोहोचले. पोलिसांनी पाच आरोपींना ताब्यात घेतल्याची माहिती पोलिसांनी दिलीय. सावलाम राजेश, सावलाम हिडमा, करम सत्यम, कुंजम मुकेश आणि पोडियाम एनका अशी अटक आरोपींची नावे आहेत.
राज्यातील बालोदाबाजार-भटपारा जिल्ह्यात गुरुवारी अशीच एक घटना घडली रहोती. यात ११ महिन्यांच्या बाळासह एकाच कुटुंबातील चार जणांची जादूटोण्याच्या संशयावरून हत्या करण्यात आली होती.
छत्तीसगडच्या जांजगीर-चंपा जिल्ह्यामध्ये एका काँग्रेस नेत्याने कुटुंबासह आत्महत्या केल्याची घटना घडली होती. काँग्रेस नेत्याने पत्नी आणि दोन मुलांसह विष प्राशन करून आत्महत्या केली होती. या घटनेत मोठ्या मुलाचा जागीच मृत्यू झाला. तर काँग्रेस नेते, त्यांची पत्नी आणि लहान मुलाला गंभीर अवस्थेत बिलासपूरच्या सिम्स रुग्णालयात दाखल करण्यात आले होते, तेथे रविवारी सकाळी उपचारादरम्यान तिघांचाही मृत्यू झाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.