हिंगोली शहरात भुसार व्यापाऱ्याची 3 कोटी 15 लाख रुपयांची फसवणूक झाल्याचा प्रकार समाेर आला आहे. या प्रकरणी हिंगाेली पाेलिसांनी अकाेला येथील चाैघांवर फसवणुकीचा गुन्हा नाेंदविला आहे. पाेलिस अधिक तपास करीत आहेत.
हिंगोलीच्या एनटीसी परिसरात सुप्रसिद्ध असलेले व्यापारी दामोदर मुंदडा व त्यांचा मुलगा लक्ष्मीनारायण मुंदडा हे शेतकऱ्यांचा शेतमाल खरेदी करतात. त्यानंतर ते उद्योजकांसह व्यापाऱ्यांना त्याची विक्री करतात.
मुंदडा यांच्याकडून अकोला येथील व्यापारी मनीष कोटेचा, आशिष दोरकर, मोहिनी दोरकर यांनी 3 कोटी 15 लाख रुपयांचा तूर, सोयाबीनसह हरभरा माल खरेदी केला. परंतु त्यांनी खरेदी केलेल्या मालाचे पैसे देण्यास टाळाटाळ सुरू केली.
दरम्यान माल खरेदी करणाऱ्या संबंधित व्यापाऱ्यांनी आपली फसवणूक केल्याचे मुंदडा यांच्या लक्षात आले. त्यांनी पाेलिसांत धाव घेतली. मुंदडा यांनी चार जणांच्या विरोधात हिंगोली शहर पोलिस ठाण्यात तक्रार दिली. त्यानूसार हिंगोली पोलिसांनी 4 जणांवर गुन्हा दाखल केला आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
