- रामनाथ ढाकणे
छत्रपती संभाजीनगर येथील बहुचर्चित आदर्श महिला नागरी सहकारी बॅंकेतील (adarsh mahila bank nagri sahkari bank aurangabad) 48 कोटीचा अपहार केल्या प्रकरणी आर्थिक गुन्हे शाखेने अंबादास मानकापे (ambadas mankape) यासह चाैघांना अटक केली आहे. न्यायालयाने त्यांना तीन दिवसांची पोलिस कोठडी सुनावली आहे. (Maharashtra News)
आदर्श महिला नागरी सहकारी बँकेत 48 कोटींचा अपहार केल्याचा ठपका अंबादास मानकापे यासह अन्य संचालकांवर आहे. या प्रकरणी आर्थिक गुन्हे शाखेने हसूल कारागृहातून नुकतेच चाैघांना ताब्यात घेतले. यामध्ये अंबादास मानकापे, सुनंदा अनिल पाटील, सुनील अंबादास पाटील आणि नामदेव कचकूरे यांचा समावेश आहे. न्यायालयाने त्यांना तीन दिवसांची पोलीस कोठडी सुनावली.
1 एप्रिल 2022 ते 31 मार्च 2023 मध्ये झालेल्या लेखापरीक्षणात सुरुवातीला चाळीस कोटींचा घोटाळा समोर आला होता. त्यावरून डिसेंबर 2023 मध्ये त्यांच्यावर गुन्हा दाखल करण्यात आला होता. त्यांना यापूर्वीच अटक करण्यात आली होती. मात्र या गुन्हा अंतर्गत त्यांना हरसुल कारागृहातून आर्थिक गुन्हे शाखेने ताब्यात घेत न्यायालयात हजर केले हाेते.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.