भयंकर! बायकोनं नवऱ्याच्या मदतीने भरदिवसा प्रियकराची केली हत्या, सपासप वार करताचा व्हिडिओ समोर

पराघ ढोबळे, नागपूर प्रतिनिधी

उपराजधानी नागपूर भरदिवसा हत्येच्या घटनेनं हादरले. बायकोनं नवऱ्याच्या मदतीने प्रियकराची चाकूने भोसकून हत्या केली. या घटनेचा व्हिडिओ सोशल मीडियावर व्हायरल झाला आहे. नागपूर जिल्ह्यातील खापरखेडा परिसरात दिवसाढवळ्या हत्येचा थरार घडला. पोलिसांनी याप्रकरणी दोन्ही आरोपींनी बेड्या ठोकल्या आहेत. या प्रकरणाचा तपास पोलिसांकडून कसून केला जात आहे. हत्या नेमकी कोणत्या कारणामुळे झाली, याचा शोध पोलिसांकडून केला जात आहे.

नागपूर जिल्ह्यातील खापरखेडा परिसरात दिवसाढवळ्या हत्येचा थरार घडला. या घटनेचा थरारक व्हिडिओ व्हायरल झाला आहे. बायको अन् नवरा चाकूने सपासप वार करत असल्याचे व्हिडिओत दिसत आहे. खापरखेडा परिसरातील कोराडी रोडवर पती पत्नीकडून पत्नीच्या जुन्या प्रियकराची धारदार चाकूने हत्या करण्यात आली. या घटनेचा थरारक व्हिडिओ पाहून पायाखालची जमीन सरकेल.

सागर वानखेडे असे मृतकाचे नाव आहे. तर आरोपी पत्नी सोनाली गजभिये आणि पती राजू गजभिये यांना पोलिसांनी अटक केली. सोनाली आणि सागरचे लग्नापूर्वी प्रेमसंबंध होते. मात्र सोनालीने राजू गजभिये हिच्याशी लग्न केले. तिला दोन मुले आहेत.पण सोनाली आणि सागर लग्नानंतरही संपर्कात होते. राजु गजभिये यांनी खापरखेडा पोलिस ठाण्यात तक्रार केली होती. सागर होळीनिमित्त पुण्याहून गावी आला होता. या दरम्यान त्याने सोनालीला इंस्टाग्रामवर भेटण्यासाठी मॅसेज केला..

सकाळी दहा वाजेदरम्यान सागर आणि सोनाली एकाच बाईकवरून गेले होते. सोनालीने रस्त्यात मुद्दाम तिची पर्स खाली टाकली. सागरने बाईक थांबताच सोनालीने सोबत नेलेल्या चाकूने दोन वार केले. त्यानंतर राजू गजभिये पाठलाग करत तिथे पोहचला त्यानेही सागरवर अनेक वार केले. यामध्ये गंभीर जखमी झालेल्या सागरचा जागीच मृत्यू झाला.आरोपी पती - पत्नीला पोलिसांनी अटक केली आहे. या प्रकरणी कोराडी पोलिस ठाण्यात गुन्हा दाखल करण्यात आला आहे. पोलिसांकडून पुढील तपास सुरू आहे.