उत्तर प्रदेशच्या तरुणाने आपल्याच आईवर बलात्कार केल्याची धक्कादायक घटना समोर आली आहे. बिजनौर जिल्ह्यातल्या श्यामीवाल गावात ७ ऑगस्टला ही घटना घडली. दारूच्या नशेत घरी येऊन हा तरुण आईवर नेहमीच बलात्कार करायचा शेवटी या त्रासाला कंटाळून महिने मुलाची हत्या केली. या घटनेमुळे उत्तर प्रदेशमध्ये खळबळ उडाली.
मिळालेल्या माहितीनुसार, हत्या करण्यात आलेला तरूण ३२ वर्षांचा होता. त्याचे लग्न झाले नव्हते. त्याची आपल्याच आईवर वाईट नजर होती. तो दारू पिऊन घरी यायचा आणि आपल्या आईवर बलात्कार करायचा. समाजात बदनामी होऊ नये म्हणून ही महिला मुलाचा त्रास सहन करत होती. ७ ऑगस्टला अशोक नेहमीप्रमाणे दारूच्या नशेत घरी आला. आईच्या जवळ येऊन त्याने तिच्यावर बलात्कार करण्याचा प्रयत्न केला. यावेळी संतप्त झालेल्या या तरुणाच्या आईने त्याच्यावर जीवघेणा हल्ला केला. तिने धारधार शस्त्राने त्याच्यावर हल्ला केला. या हल्ल्यात गंभीर जखमी झालेल्या तरुणाचा जागीच मृत्यू झाला.
मुलाची हत्या केल्यानंतर महिलेने गावातील नागरिकांना खोटं सांगितलं. तिने आरडाओरडा करत घरामध्ये चोर घुसले होते त्यांनी आपल्या मुलाची हत्या केल्याचे सांगितले. घटनेची माहिती मिळताच पोलिसांनी घटनास्थळी धाव घेतली. या घटनेचा तपास करत असताना पोलिसांना संशय आला आणि त्यांनी या महिलेची कसून चौकशी केली तेव्हा या महिलेने हत्येची कबुली दिली. तिने सांगितले की, 'अशोकने अनेक वेळा तिच्यावर बलात्कार केला होता. समाजात बदनामी होऊ नये म्हणून मी चूप राहिली. पण त्या रात्री मला प्रचंड राग आला आणि मी रागाच्या भरात अशोकचा जीव घेतला.'
पोलिसांनी घटनास्थळावरून, महिलेची रक्ताने माखलेली साडी आणि हत्या करण्यासाठी वापरलेले शस्त्र जप्त केले. या प्रकरणी पोलिसांनी महिलेविरोधात गुन्हा दाखल करत तिला अटक केली. या घटनेचा पोलिस तपास करत आहे. या आई-मुलाच्या नात्याला काळीमा फासणाऱ्या घटनेमुळे उत्तर प्रदेशमध्ये खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.