Virar Crime: मुलीला पाठवला मेसेज; तरुणाला बॉयफ्रेंडनं भररस्त्यात केली मारहाण, उपचारादरम्यान मृत्यू|Video Viral

प्रेयसीला इन्स्टाग्रामवर मेसेज पाठवल्याच्या कारणावरून मुलीच्या बॉयफ्रेडनं भररस्त्यात तरुणाला मारहाण केली. या मारहाणीनंतर तरुणाचा मृत्यू झालाय. ही धक्कादायक घटना विरारमध्ये घडलीय. मारहाणीचा व्हिडिओ सोशल मीडियावर व्हायरल करण्यात आलाय. (Instagram Chat Turns Fatal: Virar Youth Killed by Girlfriend’s Boyfriend)

प्रतिक वाघे (२४) असे मृत पावलेल्या मुलाचे नाव आहे.तो नालासोपारा पूर्वेच्या मोरेगाव परिसरात राहणारा होता. रविवारी रात्री साडेअकराच्या सुमारास मोरेगाव तलावाच्या बाजूला असलेल्या रस्त्यावर मुलीचा प्रियकर भूषण पाटील आणि त्याच्या मित्रांनी त्याला मारहाण केली. मारहाणीनंतर त्याला रुग्णालयात दाखल करण्यात आले होते. उपचारादरम्यान त्याचा मृत्यू झाला.

प्रतिक वाघे याने नालासोपार्‍़यात राहणार्‍या एका तरुणीला इस्न्टाग्रामवर मेसेज पाठवला होता. मेसेजवर त्याने तिला भेटायला बोलवलं होतं. ही बाब मुलीच्या प्रियकराला समजली. त्यानंतर मेसेज करणाऱ्या प्रतिकला धडा शिकवायचा म्हणून भररस्त्यात त्याने आपल्या मित्रांना घेऊन त्याला मारहाण केली. या मारहाणीत तो गंभीर जखमी झाला.

दरम्यान प्रतिकला मारहाण होत असताना त्याचा व्हिडिओ बनवण्यात आला. प्रतिक नालासोपारा पूर्वेच्या मोरेगाव परिसरात राहत होता. या मारहाणीत जखमी असलेल्या प्रतिकवर रुग्णालयात उपचार सुरू होते. मात्र सोमवारी सकाळी त्याचा मृत्यू झाला. याप्रकरणी मुलीचा प्रियकर भूषण पाटील, संकेत पाटील, स्वरूप मेहेर यांच्यासह ७ जणांना अटक करण्यात आली आहे. या हत्येमुळे परिसरात तणाव निर्माण झाला आहे.