Satara News, KTM Gang: धुमस्टाईलने गुजरातपर्यंत टाकायचे दरोडा, KTM गँगच्या सातारा पोलिसांनी आवळल्या मुसक्या

Satara News, KTM Gang

महाराष्ट्र, कर्नाटक आणि गुजरातमध्ये धुमस्टाईलने दरोडे टाकून धुमाकूळ घातलेल्या केटीएम गँगला सातारा पोलिसांनी जेरबंद केले आहे. याप्रकरणी ५ दरोडेखोरांना अटक करण्यात आली असून त्यांच्याकडून 103 तोळे सोने, 5 किलो चांदी आणि एक बाईक असा 70 लाख 4 हजार 80 रुपयांचा मुद्देमाल हस्तगत करण्यात आला आहे. सातारा स्थानिक गुन्हे शाखेची ही सर्वात मोठी कारवाई ठरली आहे.

ताब्यात घेतलेल्या दरोडेखोरांनी सातारा जिल्ह्यातील मेढा, मल्हारपेठ, वाई, सातारा तालुका, बोरगाव,खंडाळा, शिरवळ, भुईंज, वाठार, उंब्रज आणि वडुज या भागात 27 घरफोड्या केल्याची कबुली दिली. या KTM गँगने सातारा,पुणे, अहमदनगर, कोल्हापूर, सांगली जिल्ह्याबरोबरच कर्नाटक आणि गुजरातमध्येही अनेक दरोडे घातले होते.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)