Satara News: प्रेमाचा भयानक शेवट! किरकोळ वादातून प्रियकराने प्रेयसीला बिल्डिंगवरून ढकललं, तरूणीचा मृत्यू

संभाजी थोरात, साम टीव्ही कराड

साताऱ्यातून एक मोठी बातमी समोर आलीय. प्रियकराने प्रेयसीची हत्या करून आत्महत्येचा बनाव रचल्याचं समोर आलंय. कराडमध्ये किरकोळ वादातून प्रियकराने प्रेयसीला बिल्डिंगवरून ढकलून दिलं. या घटनेत तरूणीचा मृ्त्यू झालाय. ही धक्कादायक घटना मलकापूरमध्ये घडली आहे, तर तरूण देखील जखमी झाल्याचं समोर आलंय.

प्रियकराने प्रेयसीची हत्या केली

कराडमधील मलकापूरमध्ये ही घटना घडल्याचं समोर (Satara News) आलंय. आरुषी मिश्रा, असं मृत प्रेयसीचं नाव आहे. तर ध्रुव छिक्कर असं, तरूणाचं नाव आहे. हे दोघेही कृष्णा मेडिकल कॉलेजचे विद्यार्थी आहेत, ते दोघेही उत्तर भारतीय असल्याची माहिती मिळत आहे. किरकोळ वादातून हत्या केल्याची प्राथमिक माहिती समोर आली आहे.

नक्की काय घडलं?

काल ३१ जुलै रोजी आरुषी आणि ध्रुवमध्ये किरकोळ कारणावरून वाद झाला (Crime News) होता. शा‍ब्दिक वादाचं रूपांतर हाणामारीत झालं होतं. संतापाच्या भरात ध्रुवने आरुषीला बिल्डिंगवरून खाली ढकलून दिलं. यामध्ये आरूषीचा मृत्यू झाला, तर मारहाणीत ध्रुवदेखील गंभीर जखमी झाल्याचं समोर आलंय. सुरूवातीला तरूणीने आत्महत्या केल्याचं सांगण्यात येत होतं. परंतु पोलीस तपासात हत्या झाल्याचं समोर आलंय. या प्रकरणी १ ऑगस्ट पहाटे अडीच वाजता गुन्हा दाखल करण्यात (Boyfriend Killed Girlfriend) आलाय.

दुसरी धक्कादायक घटना

कराडमध्ये कर्जाच्या कटकटीमुळं डॉक्टरने आत्महत्या केल्याचं समोर आलंय. कराड तालुक्यातील ओंड येथील ही घटना आहे. डॉ. हेमंत रेळेकर, असं मृत डॉक्टरचं नाव (Karad News) आहे. त्यांनी दवाखान्यातच गळफास घेत जीवन संपवल्याचं समोर आलंय. फायनान्स कंपनीच्या लोकांनी त्रास दिल्यामुळे डॉ. हेमंत रेळेकर यांनी आत्महत्या केली, असा आरोप नातेवाईकांनी केलाय. पोलीस याप्रकरणी पुढील तपास करत आहेत.